ខ្សែការពារសញ្ជាតិក្រិករបស់ក្លិប Olympiacos (អូឡាំព្យ៉ាកូស) កីឡាករ Kostas Manolas (កូស្តាស ម៉ាណូឡាស) បានព្រមព្រៀងធ្វើការពិនិត្យសុខភាពជាមួយក្លិបកាំភ្លើងធំ Arsenal (អាសេណល) រួចរាល់ហើយដោយផ្លាស់មកកាន់ទឹកដី Emirates Stadium (អេមីរ៉េត ស្តេឌៀម) ក្នុងតម្លៃ
ពលកម្ម៨លានផោន ។
គ្រូបង្វឹកក្លិបកាំភ្លើងធំគឺលោក Arsene Wenger (អាសេន វ៉េនហ្គើ) បានសម្លឹងឃើញខ្សែការពាររូបនេះជាយូរណាស់មកហើយដើម្បីយកមកជំនួសតំណែងរបស់កីឡាករ Thomas Vermaelen (ថូម៉ាស វើម៉ាឡេន) ដែលបានផ្លាស់ទៅកាន់ក្លិបអ្នកមានបុណ្យ Barcelona (បាសេឡូណា) កាលពីសប្តាហ៍មុន ។
យោងតាមគេហទំព័រ Goal.com បានរាយការណ៍ថា ខ្សែការពារវ័យ២៣ឆ្នាំរូបនេះនឹងក្លាយជា កីឡាករចំណូលថ្មីទី៥ដែលលោក Arsene Wenger (អាសេន វ៉េនហ្គើ) បានទិញមករួមក្រុមនៅរដូវក្តៅ នេះ បន្ទាប់ពីកីឡាករ Sanchez (សាន់ឆេស) Debuchy (ដេប៊ូឈី) Chambers (ឆមប៊ឺ)និងអ្នកចាំទី Ospina (អូស្ពីណា) ។
គួរបញ្ជាក់ថា Arsenal (អាសេណល) ទើបតែប្រកួតឈ្នះ Crystal Palace (គ្រីស្តាល់ ផាឡេស) ២-១ សម្រាប់ការប្រកួតថ្ងៃបើករដូវកាល ៕
