(លីវើភូល) ក្លិបជើងឯកក្របខណ្ឌអេស្ប៉ាញ La Liga (ឡា លីហ្គា) Atletico Madrid (អាត្លិចទីកូ ម៉ាឌ្រីដ) ត្រូវបានគេមើលឃើញថា កំពុងមានចំណាប់អារម្មណ៍ចង់បានខ្សែការពារ Daniel Agger (ដានីញ៉េល អេហ្គើ) របស់ក្លិបហង្សក្រហម Liverpool (លីវើភូល) ។ កីឡាករវ័យ២៩ឆ្នាំរូបនេះជួបប្រទះនឹងបញ្ហារបួសរាំរ៉ៃក្នុងរយៈពេល១២ខែចុងក្រោយហើយក្លិប Liverpool (លីវើភូល) ត្រូវបានគេជឿជាក់ថា កំពុងត្រៀមបញ្ចេញកីឡាកររូបនេះក្រោយការមកដល់ របស់ខ្សែការពារ Dejan Lovren (ឌីជេន ឡូរ៉េន) ។
យោងតាមសារព័ត៌មាន The Sun (ឌឹ សាន់) បានចុះផ្សាយថា ក្លិប Atletico (អាត្លិចទីកូ) កំពុងតែដាក់ដេញថ្លៃដល់កីឡាកររូបនេះហើយគ្រោងនាំយកឲ្យបានមុនពេលទីផ្សារដោះដូរកីឡាករ បិទទ្វានៅខែក្រោយ ។ គួរបញ្ជាក់ថា ក្លិបអ្នកមានបុណ្យ Barcelona (បាសេឡូណា) ក៏ធ្លាប់មានទំនាក់ទំនងចង់បានកីឡាករសញ្ជាតិដាណឺម៉ាករូបនេះផងដែរមុនពេលក្លិបទិញបានកីឡាករ Thomas Vermaelen (ថូម៉ាស វើម៉ាឡេន) ៕
