ក្លិប Sevilla (សេវីឡា) បានប្រកាសថា ពួកគេបានឈានដល់កិច្ចព្រមព្រៀងលើការទិញយកខ្សែបម្រើ Ever Banega (អ៊ីវើ បាណេក្រា) ពីក្លិបប្រជៀវខ្មៅ Valencia (វ៉ាឡេនសៀ) ។ កីឡាករវ័យ២៦ឆ្នាំរូបនេះបង្ហាញពីទម្រង់យ៉ាងល្អជាមួយ Valencia (វ៉ាឡេនសៀ) ហើយធ្វើឲ្យរូបគេមានការទាក់ទាញជាច្រើនពីសំណាក់ក្រុមធំៗនៅអឺរ៉ុប ។ Banega ប្រាប់អ្នកសារព័ត៌មានថា “ខ្ញុំគឺជាកីឡាករថ្មីម្នាក់របស់ Sevilla ខ្ញុំពេញចិត្តនឹងការផ្លាស់មកលេងឲ្យក្លិបនេះហើយខ្ញុំសន្យាថានឹងជួយឲ្យក្លិបរីកចម្រើននៅរដូវកាលក្រោយ” ។ គួរបញ្ជាក់ថា កាលពីរដូវកាលមុន Banega (បាណេក្រា) បានលេងឲ្យក្លិប Newells Old Boys (ញ៉ូវ៉េល អូល ប៊យ) ជាលក្ខណៈខ្ចីជើងហើយស៊ុតបញ្ចូលទីបានមួយគ្រាប់សម្រាប់ការចូលលេង ចំនួន២០ប្រកួត៕
