ក្លិបមាន់ខ្នាយមាស Tottenham Hotspur បានអះអាងថា ក្លិបនឹងលក់ចេញកីឡាករ Lewis Holtby នៅរដូវក្តៅនេះ ។
កីឡាករវ័យ២៣ឆ្នាំរូបនេះបានផ្លាស់មកលេងឲ្យក្លិប Spurs ក្នុងឆ្នាំ២០១៣ក្រោយចាកចេញពីក្លិប Schalke របស់អាល្លឺម៉ង់ប៉ុន្តែរូបគេមិនសូវជាបានចូលលេងជាជម្រើស១១នាក់ដំបូងឡើយនៅទឹកដី White Hart Lane ហើយបន្ទាប់មក Holtby ក៏បានផ្លាស់ទៅកាន់ក្លិប Fulham ជាលក្ខណៈខ្ចីជើង ។
យោងតាមគេហទំព័រ Daily Mail (ដេលី ម៉េល) បានរាយការណ៍ថា កីឡាករ Holtby គឺមិនស្ថិតក្នុងគម្រោង របស់ក្លិប Spurs សម្រាប់ការប្រកួតរដូវកាលថ្មីនេះឡើយស្របពេលជាមួយគ្នានោះក្លិប Queens Park Rangers និង Crystal Palace ត្រូវបានគេជឿថាកំពុងមានចំណាប់អារម្មណ៍ចង់បាន Holtby (ហូលប៊ី)។
គួរបញ្ជាក់ថា ទន្ទឹមនោះ Holtby ក៏កំពុងទទួលបានការចាប់អាម្មណ៍ពីសំណាក់ក្លិបជាច្រើននៅអឺរ៉ុប ផងដែរ ៕
