ខេត្តបន្ទាយមានជ័យ: ឆ្លងកាត់ការងារសង្គម និងការងារមនុស្សធម៏ ជាច្រើនសហភាពសហព័ន្ធយុវជនកម្ពុជាខេត្តបន្ទាយមានជ័យ សហការជាមួយកងរាជអាវធហត្តខេត្ត មន្ទីរអប់រំយុវជន និងកីឡា បានផ្ដួចផ្ដើមបើកការ ប្រគួតកីឡាបាល់ទាត់មហាជន ដើម្បីដណ្ដើមពានរង្វាន់ប្រចាំខេត្តនាថ្ងៃទី២៣សីហា២០១៤។ 
ពិធីបើកការប្រគួតកីឡាបាល់ទាត់មហាជននេះប្រព្រិត្តទៅក្រោមអធិបតីភាព ឯកឧត្ដមគោស៊ុម សារឿត អភិបាលនៃគណះអភិបាលខេត្តបន្ទាយមានជ័យ ឯកឧត្ដម អ៊ុំ រាត្រីអភិបាលរងខេត្តនិងជាប្រធាសហភាពសហពន្ធយុវជនកម្ពុជាខេត្ត ក្រុមការងារសហភាពសហពន្ធយុវជនកម្ពុជាខេត្តនិង ក្រុមកីឡាបាល់ទាត់២២ក្រុមចូលរួម។ លោក សាន វិជ្ជាសារាវុធ អនុប្រធានសហភាពសហព័ន្ធយុវជនកម្ពុជាខេត្តបន្ឋទាយមានជ័យលើកឡើងថា: ការប្រគួតកីឡាបាល់ទាត់មហាជនដណ្ដើមពានរង្វាន់សហភាពសហព័ន្ធយុវជនកម្ពុជាខេត្តបន្ទាយមានជ័យដំណើរការទៅបាន ដោយមាន ណែនាំនិងការចង្អុលបង្ហាញ ពីការជ្រោមជ្រែង ពីឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងរដ្ឋបាលខេត្តបន្ទាយមានជ័យ ព្រមជាមួយការខិតខំពីក្រុមការងារសហភាពសហព័ន្ធយុវជនកម្ពុជាខេត្តបន្ទាយមានជ័យនិង សប្បរស់ជនផងដែរ។ 
លោក សាន វិជ្ជាសារាវុធបន្តថា: ការប្រគួតកីឡាបាល់ទាត់មហាជននេះ មានរយះពេល១ខែ គិតចាប់ពីថ្ងៃទី ២៣ សីហា ដល់ ថ្ងៃទី ២៣ កញ្ញា២០១៣នៅទីលានបាល់ទាត់សាលាបឋមសិក្សាភ្នំបាក់ កីឡាបាល់ទាត់ចែកជា២២ក្រុម ៤ប៉ូលនិងមានកីឡាករសរុបចំនួន៣០០នាក់ចូលរួមប្រកួត។ ឯកឧត្ដមគោស៊ុម សារឿត អភិបាលនៃគណះអភិបាលខេត្តបន្ទាយមានជ័យមានប្រសាសន៍កោតសរសើរ ចំពោះសហភាពសហព័ន្ធយុវជនកម្ពុជាខេត្តបន្ទាយមានជ័យ ដែលបានខិតខំចូលរួមជួយការងារសង្គមនិងការងារមនុស្សធម៏ ពិសេសទៅទៀតនោះ ជួយការងារទទួល
ពលករខ្មែរ ដែលអជ្ញាធម៏យោធាថៃចាប់បញ្ជូនវិនិវត្តិន៍មកមាតុប្រទេសវិញ និងកញ្ចប់បាយ ទឹកសុទ្ធគរដូចភ្នំ ដែលបានមកពីការចំនាយផ្ទាល់ខ្លួន និងសប្បរស់ជន ជាងនេះទៀតនោះ បានបើកការប្រគួតកីឡាបាល់ទាត់មហាជនដណ្ដើមពានរង្វាន់សហភាពសហព័ន្ធយុវជនកម្ពុជាខេត្ត ដែលនិងត្រូវចាប់ផ្ដើមនៅពេលបន្តិចទៀតនេះ។ 
ឯកឧត្ដម គោស៊ុម សារឿត ថា កីឡានាំមកនូវសុខភាព ការលេងកីឡាវៀរចាកនូវអំពើអបាយមុខ ការសេពគ្រឿងញៀនហើយបានផ្ដាំផ្ញើដល់ក្រុមកីឡាបាល់ទាត់ដែលបានចូលរួមប្រកួតថ្ងៃនេះ ក៏ដូចយុវជនស្នេហាកីឡាបាល់ ទាត់ទាំងអស់ក្នុងខេត្តខិតខំ និងប្រកួតតាមលក្ខណបច្ចេកទេសដើម្បីទទួលជ័យជំនះ រក្សាបានកិតិ្តយសសម្រាប់ខ្លួនឯង គ្រួសារនិងប្រទេជាតិផងដែរ៕ដោយ:ឃិន គន្ធា
