ក្លិបទូកក្តោង Everton កំពុងតែត្រៀមដាក់សំណើរដើម្បីទិញយកខ្សែប្រយុទ្ធ Danny Welbeck របស់ ក្លិបបិសាចក្រហម Manchester United ឲ្យបានមុនពេលទីផ្សារដោះដូរកីឡាករបិទទ្វានៅសប្តាហ៍ ក្រោយ ។
គ្រូបង្វឹក Roberto Martinez ត្រូវបានគេមើលឃើញថា កំពុងតែមានបំណង់ចង់បានខ្សែប្រយុទ្ធថ្មីម្នាក់ទៀតមករួមក្រុមបន្ទាប់ពីក្លិបទិញបានខ្សែប្រយុទ្ធ Romelu Lukaku ពីតោខៀវ Chelsea ក្នុងតម្លៃ២៨លានផោន។
ស្របពេលជាមួយគ្នានោះ Welbeck ក៏កំពុងត្រូវបានក្លិបជាច្រើននៅក្របខណ្ឌ Premier League ចង់បានផងដែរដូចជា Hull City , Sunderland និង Tottenham Hotspur បន្ទាប់ពីមានព័ត៌មានលេចលឺថា គ្រូបង្វឹកថ្មីរបស់ ក្លិបបិសាចក្រហមលោក Louis van Gaal នឹងជម្រុះកីឡាករ Welbeck ចេញពីក្រុម ។
គួរបញ្ជាក់ថា កីឡាករអន្តរជាតិអង់គ្លេសរូបនេះគឺស្ថិតក្នុងបញ្ជីកីឡាករបម្រុងក្នុងការប្រកួត ដែល Manchester United ស្មើជាមួយ Sunderland ១-១ នៅទឹកដី Stadium of Light ៕
