ពីក្លិប សាវប៉ូឡូ (Sao Paulo) ក្នុងតម្លៃ៣.១៩លានផោន ក្លិបអ្នកមានបុណ្យ Barcelona បានប្រកាសថា ក្លិបបានឈានដល់កិច្ចព្រមព្រៀងទិញយកខ្សែការពារ ដុងឡាស ប៉ឺរ៉េរ៉ា (Douglas Pereira) ពីក្លិប Sao Paulo ក្នុងតម្លៃខ្លួន៣.១៩លានផោន ។ តម្លៃខ្លួនរបស់កីឡាកររូបនេះអាចនឹងត្រូវបានឡើងថ្លៃចំនួន១.២លានផោនទៀតបើសិនជារូបគេចូលលេងបានច្រើនប្រកួតនិងលេងបានល្អសម្រាប់ក្លិបថ្មីនេះ ។
ក្លិបអ្នកមានបុណ្យបានបង្ហោះលើគេហទំព័ររបស់ខ្លួនថា ខ្សែការពារស្តាំវ័យ២៤ឆ្នាំរូបនេះនឹងចូលមកលេងក្នុងក្របខណ្ឌអេស្ប៉ាញ La Liga ដោយបានចុះកិច្ចសន្យារយៈពេល៥ឆ្នាំបន្ទាប់ពីធ្វើការពិនិត្យសុខភាពរួចរាល់ ។ Pereira ប្រាប់អ្នកសារព័ត៌មានថា “ខ្ញុំពេញចិត្តនឹងការផ្លាស់មកលេងឲ្យ Barcelona ហើយនេះជាក្តីសុបិនរបស់ខ្ញុំ” ។ គួរបញ្ជាក់ថា ក្លិប Barcelona កំពុងតែមមាញឹកក្នុងការទិញដូរកីឡាករបន្ទាប់ពីក្លិបនេះត្រូវបានហាមប្រាមមិនឲ្យទិញកីឡាករចូលក្រុមអំឡុងពេលទីផ្សារដោះដូរបើកទ្វា២លើកក្រោយដោយសារតែជាប់ពិន័យពីបទទិញកីឡាករមិនទាន់គ្រប់អាយុ ៕
