ខ្សែការពារក្លិបហង្សក្រហម Liverpool កីឡាករ Daniel Agger បានសម្រេចចិត្តផ្លាស់ទៅកាន់ ក្លិបចាស់នៅប្រទេសដាណឺម៉ាករបស់ខ្លួនវិញគឺ Brondby ។ កីឡាករវ័យ២៩ឆ្នាំរូបនេះបានចាប់ផ្តើមអាជីពបាល់ទាត់ជាមួយក្លិបបាល់ទាត់របស់ដាណឺម៉ាក មួយនេះ ប៉ុន្តែរូបគេបានចាកចេញពីក្លិបហើយផ្លាស់មកកាន់ Liverpool កាលពីខែមករាឆ្នាំ២០០៦ ប៉ុន្តែទោះបីជាយ៉ាងណាក៏ដោយក្រោយពេលរួមរស់អស់រយៈពេល៩ឆ្នាំនៅទឹកដី Anfield រូបគេក៏បាន សម្រេចចិត្តផ្លាស់ទៅកាន់ស្រុកកំណើតរបស់ខ្លួនវិញ ។
Agger ប្រាប់គេហទំព័ររបស់ក្លិបថា “Liverpool គឺជាផ្នែកដ៏ធំក្នុងជីវិតរបស់ខ្ញុំប៉ុន្តែនេះជាពេលដែលខ្ញុំត្រូវសម្រេចចិត្តចាកចេញហើយចូលរួមលេងជាមួយក្លិបចាស់របស់ខ្ញុំវិញ” ។ គួរបញ្ជាក់ថា ចាប់តាំងពីផ្លាស់មក Liverpool មក Agger ធ្លាប់ចូលលេងសរុបទាំងអស់ បានចំនួន២៣២ប្រកួត ៕
