ក្លិបញញួរយក្ស West Ham United បានប្រកាសថា ក្លិបបានឈានដល់កិច្ចព្រមព្រៀងខ្ចីជើង ខ្សែបម្រើ Alex Song ពីក្លិបអ្នកមានបុណ្យ Barcelona ។ កីឡាករសញ្ជាតិកាមេរូនរូបនេះបានចំណាយពេល២រដូវកាលលេងនៅប្រទេសអេស្ប៉ាញ ប៉ុន្តែ រូបគេលេងមិនបានល្អឡើយហើយនៅពេលនេះ Song ត្រូវបានក្លិបញញួរយក្សធ្វើពិធីបង្ហាញមុនពេលការប្រកួតជាមួយក្លិប Southampton កាលពីយប់ថ្ងៃសៅរ៍ ។ 
កីឡាករវ័យ២៦ឆ្នាំរូបនេះប្រាប់អ្នកសារព័ត៌មានថា “ខ្ញុំរីករាយដែលបានមកដល់ទីនេះហើយ សប្បាយចិត្តដែលបានឃើញអ្នកគាំទ្រទាំងអស់ ខ្ញុំនឹងចាប់ផ្តើមការងារថ្មីជាមួយ West Ham United”។ គួរបញ្ជាក់ថា Song បានក្លាយជាកីឡាករចំណូលថ្មីទី៨ដែលគ្រូបង្វឹក Sam Allardyce (សេម អាឡាដាយ) ទិញមករួមក្រុម West Ham ៕
