រដ្ឋលេខាធិការក្រសួងការបរទេសចិនលោក Liu Zhenminបានបំពេញទស្សនកិច្ចកូរ៉េខាងត្បូងរយៈពេល៣ថ្ងៃដើម្បីពិភាគ្សាបញ្ហាក្នុងតំបន់។ នៅក្នុងប្រទេសកូរ៉េខាងត្បូងកាលពីថ្ងៃទី២២កុម្ភៈ រដ្ឋលេខាធិការក្រសួងករបរទេសចិន បានជួបពិភាគ្សាជាមួយរដ្ឋមន្ត្រីការបរទេសកូរ៉េខាងត្បូងលោកYun Byung-se។
ប្រធានបទសំខាន់ក្នុងជំនួបពិភាគ្សានោះគឺកម្មវិធីបរមាណូរបស់កូរ៉េខាងជើងនិងបញ្ហាសំខាន់ៗក្នុងតំបន់។ ដំណើរទស្សនកិច្ចរបស់លោកLiu Zhenmin ធ្វើឡើងបន្ទាប់ពីបានបញ្ចាប់ដំណើរទស្សនកិច្ចទៅកាន់កូរ៉េខាងជើងកាល់ពីសប្តាហ៍កន្លងមក។ លោក Liu ទៅកាន់កូរ៉េខាងជើង ក្រោយពេលរដ្ឋមន្ត្រីការបរទេសអាមេរិកលោក John Kerry បំពេញទស្សនកិច្ចទៅកាន់ទីក្រុងប៉េកាំងហើយបានស្នើដល់ចិនដាក់គំនាប់ទៅលើទីក្រុងព្យុងយ៉ាងពីកម្មវិធីបរមាណូ ។
ដំណើរទស្សនកិច្ចរបស់លោកលីវនាពេលនេះត្រូវបានគេចាត់ទុក ក្នុងគោលដៅសម្រុះសម្រួលដល់ទំនាក់ទំនងប្រទេសទាំងពីរ ឲ្យមានភាពល្អប្រសើឡើងវិញ ក្នុងពេលដែលប្រទេសបង្អូនទាំងពីរងាកមករកគ្នាវិញ តាមរយៈជំនួបគ្រួសារដែលបែកបាក់ដោយសារសង្គ្រាម។
កាលពីថ្ងៃទី១៧ ខែកុម្ភៈ រដ្ឋលេខាធិការក្រសួងការបរទេសចិន លោក Liu Zhenmin បានបំពេញទស្សនកិច្ចទៅ កាន់កូរ៉េខាងជើងក្នុងរយៈពេល៤ថ្ងៃ ។ សារព័ត៌មានយ៉ុនហាប់របស់កូរ៉េខាងជើងបានដកស្រង់សម្ដីអ្នកនាំពាក្យ ក្រសួងការបរទេសចិន Hua Chunying បានឱ្យដឹងថា លោក Liu Zhenmin ធ្វើទស្សនកិច្ចកូរ៉េខាងជើងតាមការអញ្ជើញរបស់ក្រសួងការបរទេសប្រទេស នោះ ។
ដំណើរទស្សនកិច្ចនោះជាសកម្មភាពធម្ម តារបស់ប្រទេសទាំងពីរដើម្បីពិភាក្សាពី បញ្ហាទំនាក់ទំនងពាណិជ្ជកម្ម ។ នៅក្នុង ដំណើរទស្សនកិច្ចនោះ លោក Liu Zhenmin នឹងជួបពិភាក្សាជាមួយ មន្ដ្រីការបរទេសកូរ៉េខាងជើង និងក្រសួង ពាក់ព័ន្ធដោយផ្ដោតសំខាន់ទៅលើទំនាក់ ទំនងទ្វេភាគី ក៏ដូចជាស្ថានភាពចិន និង កូរ៉េខាងជើងបានយកចិត្ដទុកដាក់ ។
ដំណើរ ទស្សនកិច្ចរបស់លោក Liu Zhenmin ធ្វើឡើងក្រោយរយៈពេល៣ថ្ងៃ ដែលរដ្ឋមន្ដ្រីការបរទេសអាមេរិក លោកចន ឃើរី ធ្វើទស្សនកិច្ចនៅ ប្រទេសចិន ។ លោកចន ឃើរី ក៏បាន អំពាវនាវដល់ចិនប្រើប្រាស់ឥទ្ធិពល របស់ខ្លួនក្នុងការបញ្ចុះបញ្ចូលកូរ៉េខាង ជើងឱ្យបោះបង់កម្មវិធីបរមាណូដែលមានវិវាទ ។
កាលពីដើម ខែកុម្ភៈ កន្លងមក គណៈ ប្រតិភូការបរទេសរបស់ចិនទទួលបន្ទុក កូរ៉េខាងជើងក៏បានបំពេញទស្សនកិច្ចទៅ កាន់ទីក្រុងព្យុងយ៉ាង ជាដំណើរទស្សនកិច្ច លើកដំបូង ក្រោយកូរ៉េខាងជើងសម្រេច កាត់ទោសប្រហារជីវិតលោកចាង សុង ទិក ដែលជាមេដឹកនាំមានឥទ្ធិពលបំផុត ទី២នៅកូរ៉េខាងជើង ៕
