ខ្សែប្រយុទ្ធក្លិប Napoli កីឡាករ Goran Pandev (ហ្គោរ៉ាន ផេនដេវ) បានឈានដល់កិច្ចព្រមព្រៀងចុះកិច្ចសន្យារយៈពេល២ឆ្នាំផ្លាស់ទៅកាន់ក្លិប Galatasaray ។ កីឡាករវ័យ៣១ឆ្នាំរូបនេះត្រូវបានគេមើលឃើញថា មានការខកចិត្តចំពោះការលេងក្នុងទឹកដី San Paolo នារយៈពេលប៉ុន្មានខែថ្មីៗនេះហើយរូបគេក៏ធ្លាប់មានទំនាក់ទំនងលើការផ្លាស់ទៅកាន់ក្លិប Tottenham Hotspur ផងដែរ កាលពីដើមខែមិថុនា ។ ទោះបីជាយ៉ាងណាក៏ដោយ យោងតាមគេហទំព័រ Sports Mole បានផ្សព្វផ្សាយថា កីឡាករសញ្ជាតិម៉ាសេដូនៀរូបនេះ បានយល់ព្រមផ្លាស់ទៅកាន់ក្លិបយក្សរបស់ប្រទេសទួរគីគឺ Galatasaray ជំនួសវិញ ។ គួរបញ្ជាក់ថា Galatasaray បានបញ្ចប់ត្រឹមចំណាត់ថ្នាក់ទី២ក្នុងតារាងលីករបស់ប្រទេសទួរគីកាលពីរដូវកាលមុនដែលជើងឯកគឺបានធ្លាក់ទៅលើក្លិប Fenerbahce (ហ្វីន័របាច់ឆេ)៕
