មុនពេលទីផ្សារដោះដូរកីឡាករបិទទ្វា ក្លិបកាំភ្លើងធំ Arsenal បានឈានដល់កិច្ចព្រមព្រៀងទិញយកខ្សែប្រយុទ្ធ Danny Welbeck ពី ក្លិបManchester United នៅថ្ងៃចុងក្រោយនៃទីផ្សារទិញដូរកីឡាករ ។ Arsenal បានប្រកាសថា ក្លិបបានព្រមព្រៀងនាំយកកីឡាករវ័យ២៣ឆ្នាំរូបនេះដោយបានចុះកិច្ចសន្យា រយៈពេល៥ឆ្នាំដែលមានតម្លៃពលកម្មប្រមាណ១៦លានផោន ។ Welbeck បានបង្ហាញខ្លួននៅកន្លែងវឹកហាត់របស់ក្លិបកាំភ្លើងធំរួចរាល់ហើយ ហើយរូបគេនឹងត្រូវមានភារកិច្ច ចូលលេងក្នុងកម្មវិធី Champions League
ផងដែរ ។ Welbeck បានក្លាយជាកីឡាករទី៥និងជាកីឡាករចុងក្រោយដែល Arsenal ទិញមករួមក្រុមបន្ទាប់ពីក្លិបនេះ ទិញបាន Alexis Sanchez, Mathieu Debuchy, Calum Chambers និង David Ospina ។ គួរបញ្ជាក់ថា ខ្សែប្រយុទ្ធសញ្ជាតិអង់គ្លេសរូបនេះចូលលេងឲ្យក្លិបបិសាចក្រហមបានចំនួន២៩លើកចាប់តាំងពី រូបគេចូលលេងក្នុងឈុតធំក្នុងឆ្នាំ២០១១ ៕
