ក្លិប Borussia Dortmund អាចនឹងត្រូវអវត្តមានកីឡាករ Nuri Sahin ប្រមាណជា២ខែបន្ទាប់ពីកីឡាកររូបនេះ មានបញ្ហារបួស ។ កីឡាករសញ្ជាតិទួរគីរូបនេះត្រូវបានបង្ខំចិត្តធ្វើការវះកាត់ដើម្បីព្យាបាលរបួសសរសៃរពួរជង្គង់ខាងឆ្វេងកាលពី ៣សប្តាហ៍មុន ។ ក្លិប Dortmund បានប្រកាសថា “Nuri Sahin បានធ្វើការវះកាត់កាលពីថ្ងៃពុធ” ។ ក្លិបក៏បានប្រកាសផងដែរ ថា “លោកវេជ្ជបណ្ឌិត Heinz-Jurgen Eichhorn (ហេន ជើចេន អ៊ីឆន) បានធ្វើការវះកាត់ជង្គង់ខាងឆ្វេងរបស់ Sahin ហើយរូបគេនឹងអាចអវត្តមានរហូតដល់រយៈពេល២ខែ” ។ គួរបញ្ជាក់ថា Sahin បានវិលត្រឡប់មកលេងឲ្យ Dortmund ជាលើកទី២កាលពីរដូវក្តៅមុន ៕
