ដើម្បីទិញ Paul Pogba នៅរដូវក្តៅក្រោយ ក្លិបបិសាចក្រហម Manchester United ត្រូវបានគេរាយការណ៍ថាកំពុងតែមានគម្រោងដាក់សំណើរប្រមាណ ៦០លានផោនដើម្បីដេញថ្លៃទិញយកខ្សែបម្រើ Paul Pogba ពីក្លិបសេះបង្កង់ Juventus នៅរដូវក្តៅក្រោយ ។
យោងតាមសារព័ត៌មាន The Express បានចុះផ្សាយថា ក្លិបបិសាចក្រហមអាចនឹងទិញបានកីឡាករសញ្ជាតិបារាំងរូបនេះ បើសិនណាជារូបគេមិនយល់ព្រមបន្តកិច្ចសន្យាថ្មីជាមួយក្លិបយក្សនៅក្របខណ្ឌអ៊ីតាលី Serie A ។ ជាមួយគ្នានោះក្លិប Juventus ក៏កំពុងមានគម្រោងតម្លើងតម្លៃពលកម្មដល់ Pogba ផងដែរដើម្បីរក្សា កីឡាករនេះឲ្យបន្តលេងនៅជាមួយក្លិបប៉ុន្តែក្លិបក៏ព្រួយបារម្ភផងដែរបើសិនជាគេមិនព្រមបន្តកិច្ចសន្យាថ្មី ។
គួរបញ្ជាក់ថា Pogba បានចាកចេញពី Manchester United ផ្លាស់ទៅ Juventus ក្នុងឆ្នាំ ២០០៩ បន្ទាប់ពី រូបគេមិនជាប់ក្នុងក្រុមឈុតធំ ៕
