ខ្សែប្រយុទ្ធ Daniel Sturridge (ដានីញ៉េល ស្ទូរីក) អាចនឹងខកខានមិនបានចូលលេងឲ្យក្រុមតោកំណាច អង់គ្លេសសម្រាប់ការប្រកួតវគ្គជម្រុះពានរង្វាន់ទ្វីបអឺរ៉ុបឆ្នាំ២០១៦ជាមួយប្រទេសស្វីសបន្ទាប់ពីរូបគេបានរងរបួស ក្នុងអំឡុងពេលហ្វឹកហាត់ ។ ខ្សែប្រយុទ្ធរបស់ក្លិបហង្សក្រហម Liverpoolរូបនេះនឹងត្រូវធ្វើការស្កេនពិនិត្យមើលរបួសនៅ៣ថ្ងៃមុន ការប្រកួតក្នុងទីក្រុងបាសេលមកដល់ ហើយបញ្ហានេះនឹងជះឥទ្ធិពលអាក្រក់ដល់ក្រុមអង់គ្លេស ។
ថ្វីបើក្រុមរបស់លោក Roy Hodgson (រ៉យ ហូតសុន) បានយកឈ្នះលើប្រទេសន័រវ៉េស១-០កាលពីយប់ ថ្ងៃពុធក៏ដោយ ប៉ុន្តែមានអ្នកគាំទ្រជាច្រើននៅតែបន្តរិះគន់ពីទម្រង់លេងរបស់ក្រុមនេះដដែល ។ គួរបញ្ជាក់ថា ទន្ទឹមជាមួយគ្នានោះខ្សែការពាររបស់ក្លិបតោខៀវ Chelsea គឺកីឡាករ Gary Cahill (ហ្គារី ខាហៀល) កំពុងតែស្ថិតក្នុងស្ថានភាពស្រពិចស្រពិលប៉ុន្តែរូបគេត្រូវបានគេរំពឹងថា នឹងអាចជាទាន់ពេលសម្រាប់ការប្រកួតនៅយប់ថ្ងៃច័ន្ទនេះ ៕ដោយផន សុខជាតិDaniel Sturridge
