ខ្សែបម្រើក្លិបសារិការព្រៃ Newcastle United កីឡាករ Siem de Jong កំពុងតែប្រឈមមុខនឹងការអវត្តមាន រយៈពេល៤ខែដោយសារតែបញ្ហារបួសក្រលៀនធ្ងន់ធ្ងរ ។ យោងតាមគេហទំព័រ The Mirror បានផ្សព្វផ្សាយថា កីឡាករសញ្ជាតិហូឡង់រូបនេះត្រូវបាន Newcastle ទិញពី Ajax ក្នុងតម្លៃ៥លានផោនហើយរូបគេបានរងរបួសក្រលៀនក្នុងអំឡុងពេលធ្វើការហ្វឹកហាត់ ។ ប៉ុន្តែទោះបីជាយ៉ាងណាក៏ដោយ ក្លិបសារិការព្រៃនៅមិនទាន់អះអាងឲ្យបានពិតប្រាកដពីរយៈពេលនៃការ សម្រាកព្យាបាលរបស់កីឡាករ de Jong នោះទេ ។
គួរបញ្ជាក់ថា ការបាត់បង់ខ្សែបម្រើប្រយុទ្ធរូបនេះបានចោទជាបញ្ហាថ្មីមួយទៀតដល់ គ្រូបង្វឹក Newcastle លោក Alan Pardew បន្ទាប់ពីរូបគាត់ខកខានទិញមិនបានខ្សែប្រយុទ្ធ Loic Remy ពីក្លិប Queens Park Rangers ៕ដោយផន សុខជាតិ
