ក្លិបមាន់ខ្នាយមាស Tottenham Hotspur ត្រូវបានគេរាយការណ៍ថា នឹងលក់ចេញកីឡាករ Aaron Lennon នៅខែមករាខាងមុខនេះបន្ទាប់ពីរូបគេលេងមិនបានល្អជាមួយក្លិប ។ ខ្សែបម្រើស្លាបសញ្ជាតិអង់គ្លេសរូបនេះគឺមិនមានក្លិបណាទាក់ទងទិញឡើយនៅរដូវក្តៅនេះ ហើយក្លិប Spurs បានអះអាងថា ក្លិបនឹងលក់ចេញរូបគេនៅពេលទីផ្សារដោះដូរកីឡាករបើកទ្វាជាថ្មីនៅខែមករាខាងមុខនេះ ។
យោងតាមគេហទំព័រ The Mirror បានចុះផ្សាយថា ក្លិបកំសៀវតែ Queens Park Rangers កំពុងតែបង្ហាញចំណាប់អារម្មណ៍ចង់បាន Lennon ប៉ុន្តែកីឡាកររូបនេះបានអះអាងថា គេនឹងមិន ផ្លាស់ទៅលេងនៅទឹកដី Loftus Road ឡើយហើយជាមួយគ្នានោះក្លិបញញួរយក្ស West Ham និងសារិការព្រៃ Newcastle United ក៏ចាប់អារម្មណ៍ Lennon ផងដែរ ។ គួរបញ្ជាក់ថា ខ្សែបម្រើវ័យ២៧ឆ្នាំរូបនេះនៅសល់កិច្ចសន្យារយៈពេល២ឆ្នាំទៀតនៅទឹកដី White Hart Lane ៕ ដោយផន សុខជាតិ
