ខ្សែការពារក្លិបហង្សក្រហម Liverpool កីឡាករ Glen Johnson កំពុងក្លាយជាគោលដៅរបស់ក្លិបជើងឯក ក្របខណ្ឌអ៊ីតាលី Serie A គឺសេះបង្កង់ Juventus កីឡាករអន្តរជាតិអង់គ្លេសរូបនេះនឹងផុតកិច្ចសន្យាជាមួយ Liverpool នៅរដូវក្តៅក្រោយប៉ុន្តែមកដល់ពេលនេះ រូបគេនៅមិនទាន់យល់ព្រមបន្តកិច្ចសន្យាថ្មីជាមួយក្លិបនៅឡើយទេ ។ 
យោងតាមគេហទំព័រ The Mirror បានផ្សព្វផ្សាយថា ក្លិបយក្សរបស់អ៊ីតាលីមួយនេះកំពុងតែតាមដានមើល ពីស្ថានភាពរបស់ Johnson ហើយគ្រោងនឹងដាក់សំណើរទិញយកខ្សែការពាររូបនេះនៅពេលដែលទីផ្សារដោះដូរ កីឡាករបើកទ្វារជាថ្មី នៅខែមករាខាងមុខ គួររម្លឹកឡើងវិញថា Johnson បានផ្លាស់មក Liverpool កាលពីឆ្នាំ ២០០៩ ក្នុងតម្លៃពលកម្មប្រមាណ១៨លានផោន ៕ដោយផន សុខជាំតិ
