សម្រាប់ការប្រកួតជម្រុះយូរ៉ូនៅក្នុងពូលBគឺ ក្រុមភ្ញៀវវ៉េលបានប្រកួតយកឈ្នះលើក្រុមម្ចាស់ផ្ទះអង់ដូរ៉ាក្នុងលទ្ធផល ២-១ ។ នៅក្នុងការប្រកួតនេះ ក្រុមម្ចាស់ផ្ទះអង់ដូរ៉ាគឺបានធ្វើការនាំមុខមុនដោយការស៊ុតបាល់ពិន័យ១១ម៉ែត្រដោយកីឡាករ Ildefons Lima (អ៊ីលដេហ្វង់ លីម៉ា) នៅនាទីទី៦ ។ ប៉ុន្តែទោះបីជាយ៉ាងណាក៏ដោយ នៅនាទីទី២២ ខ្សែប្រយុទ្ធកំពូលល្បឿនរបស់ក្លិបអធិរាជស Real Madrid គឺកីឡាករ Gareth Bale (ហ្គារ៉េត ប៊ែល) តែតបាល់បញ្ចូលទីជួយឲ្យវ៉េលតាមបានស្មើវិញ ១-១ ។ ចប់តង់ទីមួយ ក្រុមទាំងពីរស្មើគ្នា ១-១ ។
ការប្រកួតចូលដល់តង់ទី២បានបន្តរហូតដល់នាទីទី៨១ កីឡាករ Gareth Bale (ហ្គារ៉េត ប៊ែល) ដដែលស៊ុតបាល់ Free-Kick ពីចំណាយយ៉ាងល្អឥតខ្ចោះធ្វើឲ្យក្រុមភ្ញៀវវ៉េលឈ្នះម្ចាស់ផ្ទះអង់ដូរ៉ាក្នុងលទ្ធផល ២-១ ។ គួរបញ្ជាក់ថា ការប្រកួតមួយគូទៀតដំណាលគ្នានៅក្នុងពូលBនេះ គឺក្រុមម្ចាស់ផ្ទះបូស្នៀ ចាញ់ក្រុមភ្ញៀវ សាយព្រើស ក្នុងលទ្ធផល ២-១ ៕
