ក្លិបគូប្រជែងគ្នាក្នុងក្របខណ្ឌ Premier League គឺ Manchester United និង Liverpool កំពុងតែដណ្តើមគ្នា ដើម្បីទិញយកខ្សែការពារ Dani Alves របស់ក្លិបអ្នកមានបុណ្យ Barcelona នៅរដូវក្តៅក្រោយ ។ កីឡាករវ័យ៣១ឆ្នាំរូបនេះនឹងត្រូវបញ្ចប់កិច្ចសន្យាជាមួយ Barcelona នៅរដូវកាលក្រោយហើយរូបគេទំនងជានឹងចេកចេញពីទឹកដី Camp Nou បន្ទាប់ពីគ្រូបង្វឹកថ្មី Luis Enrique (ល្វីស អេនរីកេ) ទិញបានខ្សែការពារស្តាំ Douglas ពីក្លិប Sao Paulo ។ យោងតាមសារព័ត៌មាន The Daily Express បានរាយការណ៍ថា ក្លិបហង្សក្រហម Liverpool នឹងនាំយក Alves ដើម្បីមកជំនួសតំណែងរបស់ Glen Johnson ស្របពេលដែលគ្រូបង្វឹកថ្មីរបស់ក្លិបបិសាចក្រហម Manchester United គឺលោក Louis van Gaal ក៏ចង់បានកីឡាករសញ្ជាតិប្រេស៊ីលរូបនេះដូចគ្នា ។ គួរបញ្ជាក់ថា Alves បានចាកចេញពី Sevilla មកលេងឲ្យ Barcelona ក្នុងឆ្នាំ ២០០៨ ហើយរូបគេក៏ជួយឲ្យ Barcelona ឈ្នះជើងឯក La Liga ចំនួន៤លើកនិង Champions Leagues ចំនួន២លើកផងដែរ ៕
