ក្លិបធំបីនៅអង់គ្លេសគឺ Arsenal, Liverpool និង Tottenham Hotspur ត្រូវបានគេរាយការណ៍ថា កំពុងមានចំណាប់អារម្មណ៍ចង់ទិញយកខ្សែប្រយុទ្ធរបស់ក្លិប Schalke (ស្កាល់) គឺកីឡាករ Klaas-Jan Huntelaar (ក្លាស ជេន ហាន់តេឡា) នៅខែមករាខាងមុខ ។ ក្លិបកាំភ្លើងធំ Arsenal ធ្លាប់មានទំនាក់ទំនងលើការផ្ទេរកីឡាករសញ្ជាតិហូឡង់រូបនេះនៅថ្ងៃចុងក្រោយ នៃការទិញដូរកីឡាករក្នុងខែនេះ ប៉ុន្តែទីបំផុតក្លិបបានទិញយកខ្សែប្រយុទ្ធ Danny Welbeck ពីបិសាចក្រហម
Manchester United ជំនួសវិញ ។ ទោះបីជាយ៉ាងណាក៏ដោយ យោងតាមសារព័ត៌មាន Daily Express បានចុះផ្សាយថា ក្លិបកាំភ្លើងធំ Arsenal នៅតែមានចំណាប់អារម្មណ៍ចង់បានខ្សែប្រយុទ្ធរូបនេះដដែលខណៈដែរ Liverpool និង Spurs ក៏ចង់បានដូចគ្នា ។ គួរបញ្ជាក់ថា កិច្ចសន្យាបច្ចុប្បន្នរបស់ Huntelaar នឹងត្រូវបញ្ចប់ជាមួយក្លិប Schalke (ស្កាល់)នៅរដូវក្តៅ ក្រោយ ៕Bun rithy
