កីឡាករ Gary Cahill (ហ្គារី ខាហ៊ីល) បាននិយាយថា រូបគេពិតជាមានការរីករាយយ៉ាងខ្លាំងបន្ទាប់ពីត្រូវបាន គ្រូបង្វឹក Roy Hodgson (រ៉យ ហូតសុន) តែងតាំងឲ្យក្លាយជាអនុប្រធានក្រុមតោកំណាចអង់គ្លេស ។ ខ្សែការពារក្លិបតោខៀវ Chelsea រូបនេះបានលើកឡើងថា រូបគេនឹងទទួលភារៈកិច្ចគ្រប់គ្រងក្រុមទាំងមូល បន្ទាប់ពីប្រធានក្រុម គឺកីឡាករ Wayne Rooney (វ៉េន រ៉ូនី) ហើយនេះជាមោទនភាពមួយចំពោះរូបគេ ។ Cahill ប្រាប់អ្នកសារព័ត៌មានថា “គ្រូបង្វឹកបានផ្តល់ទំនុកចិត្តលើខ្ញុំ វាជារឿងដ៏អស្ចារ្យមួយហើយនេះជាលើក ដំបូងសម្រាប់ខ្ញុំ” ។ គួរបញ្ជាក់ថា Cahill ចូលលេងបាន២៩ប្រកួតឲ្យជម្រើសជាតិអង់គ្លេសចាប់តាំងពីបង្ហាញខ្លួនលើកដំបូង ក្នុងឆ្នាំ ២០១០ ៕
