Man City ដណ្តើមពាន Premier League នៅរដូវកាលនេះ កីឡាករ Edin Dzeko (អេឌីន ហ្សេកូ) បានអះអាងថា ក្លិបតោខៀវ Chelsea គឺជាក្លិបតែមួយគត់ដែលអាច ប្រជែងជាមួយ Manchester City ដើម្បីដណ្តើមដំណែងជើងឯក Premier League នៅរដូវកាលនេះបាន ។ ថ្វីបើនៅក្នុងប្រទេសអង់គ្លេសកំពុងមានក្លិបធំៗជាច្រើនកំពុងតែអភិវឌ្ឍន៍ក្លិបរបស់ខ្លួនក៏ដោយ ប៉ុន្តែ Dzeko ជឿជាក់ថា ក្រុមរបស់លោក Jose Mourinho (ចូសេ ម៉ូរីញ៉ូ) គឺជាក្លិបធំជាងគេដែលអាច
គំរាមកំហែងក្តីសង្ឃឹមរបស់ Man City ដែលថានឹងអាចឈ្នះជើងឯកជាលើកទី៣ក្នុងរយៈពេល៤ឆ្នាំ ។ ខ្សែប្រយុទ្ធវ័យ២៨ឆ្នាំរូបនេះប្រាប់គេហទំព័រ The Mirror ថា “ជារៀងរាល់រដូវកាលមានក្លិបជាច្រើនប្រជែងគ្នា យកជើងឯកក្នុងប្រទេសអង់គ្លេសហើយនៅរដូវកាលនេះ Chelsea គឺជាក្រុមល្អផ្តាច់គេដែលអាចប្រជែងជាមួយ Man City បាន” ។
គួរបញ្ជាក់ថា Dzeko ទើបតែនឹងចុះកិច្ចសន្យាថ្មីរយៈពេល៤ឆ្នាំទៀតជាមួយ Man City កាលពីខែមុន ៕Bu rithy
