ខ្សែបម្រើស្លាបរបស់ក្លិបបិសាចក្រហម Manchester United កីឡាករ Ashley Young បានអះអាងថា ក្លិបមិនបាក់ទឹកចិត្តចំពោះការលេងមិនបានល្អសម្រាប់ការប្រកួត៣លើកដំបូងនៃរដូវកាលថ្មីនេះឡើយ ។ Manchester United លេងមិនទាន់ឈ្នះឡើយសម្រាប់ការប្រកួត៣លើកកន្លងមកក្នុងក្របខណ្ឌPremier League ដោយស្មើ២ចាញ់១ ហើយព្រមទាំងបានប្រកួតចាញ់ក្លិប Milton ក្នុងលទ្ធផល៤-០ ធ្វើឲ្យក្លិបធ្លាក់ចេញពីពានរង្វាន់ League Cup ត្រឹមជុំទី២ ទៀតផង។ ប៉ុន្តែថ្វីបើក្លិបនេះលេងមិនបានល្អសម្រាប់ខែទី១នៃរដូវកាលថ្មីនេះក៏ដោយ ក៏ Young ជឿជាក់ថា Manchester United នៅតែមានឱកាសស្តារមុខមាត់ឡើយវិញ ។
កីឡាករវ័យ២៩ឆ្នាំរូបនេះប្រាប់គេហទំព័រ Daily Star ថា “យើងចាប់ផ្តើមមិនបានល្អទេនៅរដូវកាលថ្មីនេះប៉ុន្តែបន្ទាប់ពីទិញបានកីឡាករល្អៗមួយចំនួនដូចជា Angel Di Maria, Falcao, និង Rojo ជាដើម ហើយយើងរំពឹងថា នៅរដូវកាលនេះយើងពិតជាអាចប្រជែងយកជើងឯកបាន” ។ គួរបញ្ជាក់ថា Manchester United នឹងត្រូវបន្តយុទ្ធនាការប្រកួត Premier League របស់ខ្លួនដោយត្រូវធ្វើជាម្ចាស់ផ្ទះស្វាគមន៍ក្លិបកំសៀវតែ Queens Park Rangers នៅយប់ថ្ងៃអាទិត្យ ៕ដោយផន សុខជាតិ
