កាលពីរសៀលថ្ងៃទី១៥ ខែ កញ្ញា ឆ្នាំ ២០១៤ម្សិលមិញនេះ ក្រុមការងារថ្នាក់ជាតិចុះមូលដ្ឋានខេត្តសៀមរាប បានរៀបចំកិច្ចប្រជុំមួយបូកសរុបការងារត្រីមាសទី២ និងទិសដៅអនុវត្តបន្តនៅត្រីមាសបន្ទាប់ តាមការណែនាំរបស់ រាជរដ្ឋាភិបាលក្រុមការងារថ្នាក់ជាតិចុះមូលដ្ឋានដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ យុទ្ធសាស្ដ្រ ចតុកោណដំណាក់កាលទី៣របស់រាជរដ្ឋាភិបាលនៅសណ្ឋាគារបុរីអង្គរ ខេត្តសៀមរាប ក្រោមការដឹកនាំរបស់ ឯ.ឧ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និង ជាប្រធាន ក្រុមការងារថ្នាក់ជាតិចុះមូលដ្ឋានខេត្ត សៀមរាប ដោយមានការអញ្ជើញចូលរួមពីសំណាក់ឯកឧត្តម លោកជំទាវ អស់លោក លោកស្រីជាសមាជិកក្រុម ការងារថ្នាក់ជាតិ ថ្នាក់ក្រុង ស្រុក 
ខេត្តសៀមរាបផងដែរ។ ដើំម្បីឲ្យស្របតាមតួនាទី ភារកិច្ច របស់មន្ត្រីមួយចំនួនដែលរាជរដ្ឋាភិបាលទើបប្រគល់ជូន នៅក្នុងពិធីឯកឧត្តម ប៊ុន ថាឫទ្ធិ អភិបាលរងនៃគណៈអភិបាលខេត្ត បានអានសេចក្តីសម្រេចស្តីពីការកែសម្រួល និង តែងតាំងសមាស ភាព ក្រុមការងារ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាល កម្ពុជា។ បន្តមកឯ.ឧ ឃឹម ប៊ុនសុង អភិបាល នៃគណៈអភិបាលខេត្ត និង ជាអនុប្រធានប្រចាំការ ក្រុមការងារ
ថ្នាក់ ជាតិខេត្តសៀមរាប បានរាយការណ៍អំពីសកម្មភាព និងលទ្ធផលការងារ ដែលក្រុមការងារថ្នាក់ជាតិសម្រេចបាន នា ពេលកន្លងមក ក្នុងកិច្ចសហការជាមួយអាជ្ញាធរជាតិអប្សរា កំណត់ទីតាំងសម្រាប់សាងសង់អគាររដ្ឋបាលរបស់មន្ទីរជំនាញ ខេត្តសៀមរាប និង ការរៀបចំវេទិកាទៅតាមកាលបរិច្ឆេទ កំណត់ដោយផ្តោតលើវិស័យសេដ្ឋកិច្ច សង្គមកិច្ច សេវាសាធារណៈ ដីធ្លី ហេដា្ឋរចនាសម្ព័ន្ធ គ្រោះមហន្តរាយ និងអាជ្ញាធរអប្សរា ការសម្ពោធសមិទ្ធផលនានា ការចូល រួមបុណ្យប្រពៃណីជាតិ និង
ការងារសង្គម ព្រមទាំងកិច្ចការមួយចំនួនទៀត ។ ទន្ទឹមនេះក្រុមការងារក៏បានពិភាក្សាស្វែងយល់បន្ថែមអំពីប្រធានបទនានា ឲ្យបានគ្រប់ជ្រុងជ្រោយ សម ស្របទៅតាមភូមិសាស្ត្រនិងព្រឹត្តិការណ៍ជាតិបាននឹងកំពុងវិវត្តន៍ថ្មីៗ ដើម្បីរៀបចំផែនការសកម្មភាព និង កម្មវិធី ការ ងារនៅតាមមូលដ្ឋានជាក់ស្តែង ។ ចំពោះបញ្ហាការងារដីធ្លី រដ្ឋបាលខេត្តសៀមរាបបាននឹងកំពុងធ្វើការដោះស្រាយជាបន្តបន្ទាប់តាមនីតិវិធី និង តាមសេចក្តីណែនាំរបស់រាជរដ្ឋាភិបាលលើករណីផ្សេងៗគ្នាដូចជា
ការស្នើសុំកាន់កាប់ដីស្របច្បាប់ ស្នើសុំប័ណ្ណកម្ម សិទ្ធ ការរំលោភដីធ្លី ការទំនាស់ដីធ្លី និងការស្នើសុំដី ។ ដោយឡែកបញ្ហាការងារនៅជុំវិញបឹងទន្លេសាប រដ្ឋបាលខេត្ត សៀមរាបសហការជាមួយស្ថាប័នដែលមានការពាក់ព័ន្ធ បាននឹងកំពុងធ្វើការដោះស្រាយនៅតាមក្រុង-ស្រុក ដែល ស្ថិតនៅជាប់នឹងបឹងទន្លេសាប ទៅតាមយន្តការដែលមានស្រាប់ លិខិតបទដ្ឋានគតិយុត្តិរបស់រាជរដ្ឋាភិបាល និងចាត់ វិធានការទៅតាមផ្លូវច្បាប់ ប្រកបដោយតម្លាភាព និងប្រសិទ្ធភាព ។ មានប្រសាសន៍បិទកិច្ចប្រជុំនោះ ឯកឧត្តមឧបនាយករដ្ឋមន្ត្រី ទៀ បាញ់ ក៏បានផ្តល់អនុសាសន៍ណែនាំ ដល់សមាជិក សមាជិកា ព្រមទាំងបានសម្តែង
ការកោតសរសើចំពោះខេត្តសៀមរាប គឺជាខេត្តមួយដែលមានមោទន ភាពយ៉ាងខ្លាំង ដែលមានសិស្ស ០២រូបក្នុងចំណោមសិស្ស១១រូបទូទាំងប្រទេស (លោក វណ្ណ លីដា និង កញ្ញា អិន សុខផល្គុន)ទទួលបានចំណាត់ថ្នាក់និទ្ទេស A ក្នុងសម័យប្រឡងសញ្ញាបត្រមធ្យមសិក្សាទុតិយភូមិ ប្រចាំឆ្នាំ២០១៤ ដែលរៀបចំដោយក្រសួងអប់រំយុវជន និងកីឡា ហើយបានការកោតសរសើរនិងលើកទឹកចិត្តដោយផ្ទាល់ពីសំណាក់ សម្តេចតេជោ ហ៊ុន សែន នាយករដ្ឋមន្ត្រី កាលពីថ្ងៃទី០៥ ខែ កញ្ញា ឆ្នាំ ២០១៤ នៅទីស្តីការនាយករដ្ឋមន្ត្រី ព្រមទាំងបានជម្រុញដល់មន្ទីរ ការិយាល័យ លោកគ្រូ អ្នកគ្រូ និងប្រជាពលរដ្ឋ ដែលជា
ឪពុកម្តាយ អាណាព្យាបាលយកចិត្តទុកដាក់ដល់កូនចៅ ជាសិស្សានុសិស្ស ដែលប្រឡងធ្លាក់មធ្យមសិក្សាទុតិយភូមិឆ្នាំ២០១៤ នាពេលកន្លងមក ដើម្បី ត្រៀមលក្ខណៈសម្បត្តិឲ្យបានគ្រប់ៗគ្នាតាមកាលបរិច្ឆេទ និងទីកន្លែងដែលបានកំណត់ដោយក្រសួងអប់រំ យុវជន និងកីឡា ។ ឯកឧត្តមឧមនាយករដ្ឋមន្ត្រី ក៏បានគូសបញ្ជាក់ដល់គ្រប់ក្រុមការងារក្រុង-ស្រុក ត្រូវបន្តយកចិត្តដាក់ និង ពិចារណាឲ្យបានច្បាស់លាស់នូវខ្លឹមសារសម្រាប់រៀបចំវេទិកានីមួយៗ នៅតាមមូលដ្ឋាន ទៅតាមវិស័យជាក់ស្តែង ដូចជាវិស័យសេដ្ឋកិច្ច សង្គមកិច្ច សេវាសាធារណៈ អគ្គិសនី ជលផល សន្តិសុខសណ្តាប់ធ្នាប់សង្គម សម្ខាន់វិស័យ
ដីធ្លី ជាវិស័យមួយដែលបច្ចុប្បរាជរដ្ឋាភិបាល បាននឹងកំពុងជម្រុញ អនុវត្តន៍ឲ្យមានប្រសិទ្ធភាពទៅតាមប្រសាសន៍ ណែនាំ ដ៏ខ្ពង់ខ្ពស់របស់រាជរដ្ឋាភិបាលកម្ពុជា នៅតាមវេទិកានានា នាពេលថ្មីៗ កន្លងមកនេះ។ ឯ.ឧ ទៀ បាញ់ ក៏បាន បញ្ជាក់ផងដែរ ដល់អាជ្ញាធរមូលដ្ឋានគ្រប់លំដាប់ថ្នាក់ ត្រូវយកចិត្តទុកដាក់ដោះស្រាយជូនប្រជាជនឲ្យអស់លទ្ធភាព ដែលមាន ស្របតាមអនុសាសន៍ដឹកនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា ។ 
កត្តាសម្ខាន់នោះ គឺ បន្តស្រង់ទិន្នន័យសំណួរ សំណូមពរ និងការឆ្លើយបំភ្លឺរបស់ក្រុម ការងារនៅតាមវេទិកានានា ព្រមទាំងតាមស្ថាប័នដែលមានការពាក់ព័ន្ធដូចជា រដ្ឋបាលសាលាខេត្ត អាជ្ញាធរអប្សរា និងមន្ទីរជំនាញពាក់ព័ន្ធ និង គ្រប់ក្រុមទាំងអស់ត្រូវកំណត់ឲ្យបានច្បាស់នូវការងារដែលបានអនុវត្ត ពុំទាន់បានអនុវត្ត និងបញ្ហាប្រឈមនានា ។ ដែលមាននៅតាមមូលដ្ឋានជាក់ស្តែងដើម្បីរិះរកនីតិវិធីដោះស្រាយឲ្យបានសមស្រប ព្រម ទាំងសុំឲ្យលេខាធិការដ្ឋានត្រូវយកចិត្តទុកដាក់រៀបចំបច្ចុប្បន្នភាពរបាយការណ៍ និង រាយការណ៍ជូនរាជរដ្ឋាភិបាល ទៅតាមកម្មវិធីដែលបានគ្រោងទុកផងដែរ ៕ By Bun rithy
