​Gerard Pique (​ជើ​រ៉ា​ដ​ ​ភី​កកេ​) ​និង​ Neymar ​នឹង​ជាប់​ជា​ជម្រើស​១១​នាក់​ដំបូង​សម្រាប់​ការប្រកួត​

Champions League ​ជាមួយ​ក្លិប APOEL (​អា​ប៉ូ​អ៊ែ​ល​) ​នៅ​យប់​ថ្ងៃ​ពុធ​នេះ​ ​គ្រូបង្វឹក​ក្លិប​អ្នកមាន​បុណ្យ Barcelona ​លោក Luis Enrique (​ល្វី​ស​ ​អេ​ន​រី​ហ្គេ​) ​បាន​និយាយថា​ ​លោក​នឹងដាក់​កីឡាករ Gerard Pique (​ជើ​រ៉ា​ដ​ ​ភី​កកេ​) ​និង Neymar (​នេ​យ​ម៉ា​) ​ឲ្យ​ចូល​លេង​ជា​ជម្រើស​១១​នាក់​ដំបូង​ក្នុងការ​ប្រកួត Champions League ​ជាមួយ​ក្លិប APOEL (​អា​ប៉ូ​អ៊ែ​ល​) ​នៅ​យប់​ថ្ងៃ​ពុធ​នេះ​ ​។​ ​បញ្ហា​របួស​សាច់ដុំ​បានធ្វើ​ឲ្យ Pique ​មិនសូវ​ជា​បាន​ចូល​លេង​ចាប់តាំងពី​បើក​រដូវ​កាល​ថ្មី​មក ប៉ុន្តែ​រូបគេ​បាន​ចូល​លេង​ក្នុង​តង់​ទី​២​សម្រាប់​ការប្រកួត​ដែល Barcelona ​ឈ្នះ Athletic Bilbao ២-០ ​កាលពី​យប់​ថ្ងៃ​សៅរ៍​ ​។​ ​

ជាមួយគ្នា​នោះ​ ​កីឡាករ Neymar ​ក៏ត្រូវ​បាន​ប្តូរ​ឲ្យ​ចូល​លេង​ផងដែរ​ក្នុង​ការប្រកួត​ជាមួយ Bilbao ​ដោយ​រូបគេ​ស៊ុត​បាន​២​គ្រាប់​ជួយ​ឲ្យ​ក្រុម​របស់ខ្លួន​ទទួលបាន​៣​ពិន្ទុ​ ​។​ ​គួរ​បញ្ជាក់ថា​ Barcelona ​នឹងត្រូវ​បើកទ្វា​ទឹកដី Camp Nou (​ខេ​ម​នូ​) ​ទទួល​ស្វាគមន៍​ក្រុម APOEL (​អា​ប៉ូ​អ៊ែ​ល​) ​ក្នុង​យុទ្ធនាការ Champions League ​នៅ​យប់​ថ្ងៃ​ពុធ​នេះ​ ៕ដោយផន សុខជាតិ