ក្លិបអ្នកចម្បាំង Parma បានប្រកាសថា ពួកគេបានឈានដល់កិច្ចព្រមព្រៀងនាំយកកីឡាករ McDonald Mariga (ម៉ាកដូណាល់ ម៉ារីហ្គា) មកជាថ្មីដោយមានកិច្ចសន្យារយៈពេល១ឆ្នាំ ។ កីឡាករអន្តរជាតិកេនយ៉ារូបនេះគឺមិនមានក្លិបលេងឡើយចាប់តាំងពីរូបគេបានបញ្ចប់កិច្ចសន្យាជាមួយក្លិប Inter Milan កាលពីចុងរដូវកាលមុន ។ ទោះបីជាយ៉ាងណាក៏ដោយ ក្លិប Parma បានប្រកាសលើគេហទំព័ររបស់ខ្លួនថា ខ្សែបម្រើរូបនេះបានព្រមព្រៀង ចុះហត្ថលេខាលើកិច្ចសន្យារយៈពេល១២ខែដើម្បីវិលត្រឡប់មកកាន់ក្លិបចាស់របស់ខ្លួនវិញហើយក្លិបនេះកំពុងតែគ្រោងបន្តកិច្ចសន្យា២ឆ្នាំបន្ថែមទៀតជាមួយ Mariga ។
គួរបញ្ជាក់ថា Mariga បានចំណាយពេល៣រដូវកាលលេងឲ្យក្លិប Parma មុនពេលរូបគេផ្លាស់ទៅលេងឲ្យ Inter Milan ក្នុងឆ្នាំ ២០១០ ៕ ដោយផន សុខជាតិ
