ក្លិបបាល់ទាត់ Schalke 04 (ស្កាល់) របស់អាល្លឺម៉ង់បានប្រកាសថា ប្រធានក្រុម Benedikt Howedes (បេនេឌីក ហូវ៉េដេស) នឹងត្រូវអវត្តមានសម្រាប់ការប្រកួត Champions League ជាមួយក្លិប Chelsea នៅយប់នេះ ។ ក្លិបបាល់ទាត់ក្នុងក្របខណ្ឌ Bundesliga មួយនេះបានធ្វើដំណើរមកដល់ទីក្រុងឡុងដ៏រួចហើយ ប៉ុន្តែខ្សែការពារ រូបនេះមិនបានបង្ហាញវត្តមានឡើយ ។
ក្លិប Schalke បានប្រកាសថា កីឡាករសញ្ជាតិអាល្លឺម៉ង់រូបនេះ មានបញ្ហារបួសក្រលៀនជាហេតុធ្វើឲ្យរូបគេ អវត្តមានសម្រាប់ការប្រកួតក្នុងទឹកដី Stamford Bridge នៅយប់នេះ ។ ទោះបីជាយ៉ាងណាក៏ដោយ ក្លិប Schalke មិនបានបញ្ជាក់ពីពេលវេលាច្បាស់លាស់នៃការព្យាបាលរបួស របស់ខ្សែការពារកណ្តាលរូបនេះឡើយ ៕ដោយផន សុខជាតិ
