ក្លិបជើងឯកអាល្លឺម៉ង់ Bayern Munich បានបើកទ្វាផ្ទះរបស់ខ្លួនស្វាគមន៍ក្រុមជើងឯកអង់គ្លេស Manchester City សម្រាប់ការប្រកួត Uefa Champions League ក្នុងពូល E ដោយបានបញ្ចប់ការប្រកួត Bayern Munich ឈ្នះ Man City ក្នុងលទ្ធផល១-០ ក្រុមទាំងពីរបានវាយសម្រុកគ្នាទៅវិញទៅមកនៅក្នុងតង់ទី១ប៉ុន្តែមិនអាចមានឱកាសស៊ុតបំប៉ោងសំណាញ់ទី គ្នាបានឡើយដោយចប់តង់ទី១ក្រុមទាំងពីររក្សាត្រឹមលទ្ធផល០-០ ។
លុះការប្រកួតចូលដល់តង់ទី២ក្រុមទាំងពីរក៏បានតស៊ូគ្នារហូតដល់នាទីទី៩០ទើបក្រុមម្ចាស់ផ្ទះអាចបំបែក ពងមាន់បានមួយគ្រាប់ដោយកីឡាករ Jerome Boateng (ជើរ៉ូម បូថេង) ។ លុះចប់ការប្រកួត ក្រុមម្ចាស់ផ្ទះ Bayern Munich យកឈ្នះភ្ញៀវ Manchester City ដោយលទ្ធផល ១-០ ។ គួរបញ្ជាក់ថា ការប្រកួតមួយគូទៀតក្នុងពូល E ដំណាលគ្នានេះគឺក្រុម Roma របស់អ៊ីតាលីបានបំបាក់ក្លិប CSKA Moscow របស់រុស្ស៊ីក្នុងលទ្ធផល ៥-១ ៕ ដោយផន សុខជាតិ
