កំពង់ធំៈ យុទ្ធជនដ៏អង់អាចក្លាហាន ព្រមទាំងបានសាងគុណសម្បត្តិដល់មាតុភូមិ និងប្រទេសជាតិ ទោះជា អតីតយុទ្ធជនបានពលីជីវិត ទៅហើយក្តីក៏នៅតែជាការដក់ជាប់ក្នុងបេះដូង របស់ថ្នាក់ដឹកនាំ និងកងកម្លាំង ព្រមទាំងប្រជាពលរដ្ឋ ឲ្យ
ចងចាំមិនភ្លេចនូវអនុស្សាវរីយ៍ ធ្លាប់រួមសុខរួមទុក្ខ ក្នុងបុព្វហេតុជាតិទើបមានការណែនាំពី ថ្នាក់ដឹកនាំមេបញ្ជាការ ឲ្យមានការចុះសួរសុខទុក្ខរបស់ ក្រុមគ្រួសាររបស់យោធិនពលី ដើម្បីជាការ ដឹងគុណ និងជាឳកាសបុណ្យភ្ជុំបិណ្ឌ។ ពិធីប្រគល់គ្រឿងឧបភោគបរិភោគ ត្រូវបានធ្វើឡើងនៅថ្ងៃទី ១៩ ខែកញ្ញាឆ្នាំ ២០១៤ ដោយលោកវរៈសេនីយ៍ទោ នូ វុទ្ធា
នាយការិយាល័យទី១ នៃតំបន់ប្រតិបត្តិការសឹករងកំពង់ធំ ព្រមទាំងមន្ត្រីក្រោមឳវាទ បាននាំយកអំណោយមកជូនដល់ គ្រួសារយោធិនពលី រួមមាន មី១កេស ទឹកត្រី ១យួរ ទឹកស៊ីអ៊ីវ ១យួរ ទឹកដោះគោ៥កំប៉ុង ស្ករសរ១គ.ក ទឹកសុទ្ធ២យួរ ថវិការ១០ម៉ឺនរៀលដើម្បីចូលរួមចំណែកក្នុងការលើកទឹកចិត្តដល់គ្រួសារយោធិន អំណោយទាំងនេះជាទឹកចិត្តដ៏ស្មោះសរ របស់
អង្គភាពការិយាល័យទី១ នៃតំបន់សឹករងកំពង់ធំ ដែលពុំអាចកាត់ថ្លៃបាន។ លោកវរៈសេនីយ៍ទោ នូ វុទ្ធា បានពាំនាំការនឹករលឹកពី ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំក្នុងការសួរសុខទុក្ខ ដល់គ្រួសារយោធិនពលី ដោយការគោរព អាណិតស្រឡាញ់ ដើម្បីបង្ហាញពីទឹកចិត្តអាណិតស្រឡាញ់ របស់មិត្តកងយោពលខេរៈភូមិន្ទ ដែលធ្លាប់បានសាងទុកនូវអនុស្សាវរីយ៍ ក្នុងការបំរើ ជាតិមាតុភូមិ និងបានឆ្លងកាត់គ្រប់ឧបស័គ្គកន្លងមក។
លោកវរៈសេនីយ៍ទោ នូ វុទ្ធា នាយការិយាល័យទី១ បានផ្តាំផ្ញើរឲ្យខិតខំតស៊ូ ប្រឹងប្រែង អប់រំកូនចៅ បង្ហាត់បង្រៀនឲ្យដើរតាមគន្លងធម៌ និងជម្រុញឲ្យកូនចៅមានការៀនសូត្រ ប្រព្រឹត្តតែ អំពើល្អ ឲ្យក្លាយទៅជាក្មេងល្អ មនុស្សល្អ រស់នៅក្នុងសង្គម និងសូមឲ្យចៀសវាងកុំឲ្យមានការ ពាក់ព័ន្ឋទៅ នឹងបទល្មើសផ្សេងៗ ជាពិសេសគឺគ្រឿងញៀន ដែលជាអំពើខុសច្បាប់ ។
