ក្លិបអធិរាជស Real Madrid បានប្រកាសថា ខ្សែការពារ Raphael Varane (រ៉ាហ្វាអេល វ៉ារ៉ាណេ) បានបន្តលេងឲ្យក្លិបនេះបន្តទៀតក្រោយពេលយល់ព្រមចុះកិច្ចសន្យាថ្មី ខ្សែការពារវ័យ២១ឆ្នាំរូបនេះក៏ធ្លាប់មានទំនាក់ទំនងលើការផ្លាស់ទៅកាន់ក្លិបតោខៀវ Chelsea ផងដែរ នៅរដូវក្តៅប៉ុន្តែកីឡាករសញ្ជាតិបារាំងរូបនេះបានយល់ព្រមបន្តកិច្ចសន្យាថ្មីនៅទឹកដី Bernabeu រហូតដល់ ឆ្នាំ ២០២០ ។
ក្លិប Real Madrid បានបង្ហោះលើគេហទំព័ររបស់ខ្លួនថា “Real Madrid បានឈានដល់កិច្ចព្រមព្រៀង ជាមួយកីឡាករ Raphael Varane ហើយរូបគេនឹងបន្តលេងឲ្យក្លិបរហូតដល់ថ្ងៃទី៣០ខែមិថុនាឆ្នាំ២០២០” ។ គួរបញ្ជាក់ឡើងវិញថា Real Madrid បាននាំយក Varane មកពីក្លិប Lille (លីល) ក្នុងឆ្នាំ ២០១១ ៕ដោយផន សុខជាតិ
