សហព័ន្ធបាល់ទាត់ទ្វីបអឺរ៉ុបហៅកាត់ថា UEFA (យូហ្វា) បានប្រកាសថា ការប្រកួតបាល់ទាត់ Champions League វគ្គផ្តាច់ព្រ័ត្រឆ្នាំ ២០១៦ នឹងត្រូវធ្វើឡើងនៅកីឡាដ្ឋាន San Siro ក្នុងទីក្រុងមីឡេនប្រទេសអ៊ីតាលី កីឡាដ្ឋាននេះក៏ធ្លាប់ទទួលធ្វើជាម្ចាស់ផ្ទះសម្រាប់ការប្រកួតវគ្គផ្តាច់ព្រ័ត្រកាលពីឆ្នាំ២០០១ផងដែរដែលកាលនោះក្លិប Bayern Munich ជាអ្នកទទួលបានជើងឯកក្រោយពេលប្រកួតឈ្នះក្លិប Valencia ដោយការស៊ុតបាល់ ប៉េណាល់ទី ។ ជាមួយគ្នានោះ យូហ្វាក៏បានប្រកាសផងដែរថា កីឡាដ្ឋាន St Jakob-Park (សេន ជេខុបផាក) ក្នុងទីក្រុង បាសែល ប្រទេសស្វីសក៏នឹងត្រូវទទួលធ្វើការប្រកួតវគ្គផ្តាច់ព្រ័ត្រពានរង្វាន់ Europa League (យូរ៉ូប៉ា លីក) ផងដែរ ក្នុងឆ្នាំដូចគ្នានេះ ។ គួរបញ្ជាក់ថា សម្រាប់ការប្រកួត Champions League វគ្គផ្តាច់ព្រ័ត្រនៅរដូវកាលនេះនឹងត្រូវធ្វើឡើង ក្នុងកីឡាដ្ឋាន Olympiastadion (អូឡាំពិចស្តេឌៀន) ក្នុងទីក្រុងប៊ែកឡាំងប្រទេសអាល្លឺម៉ង់ ៕ដោយផន សុខជាតិ
