កូនគោមានកើតមកមានភ្នែក៣ ដោយភ្នែកទី៣ស្ថិតនៅចំកណ្តាលថ្ងាស់ត្រូវបានពលរដ្ឋដែលមានអបិយជំនឿនៅឥណ្ឌាគោរពដូចជាព្រះអទិពេញ និងសូមពរជ័យសេចក្តីសុខដល់ក្រុមគ្រួរសារ កូនគោនោះស្ថិតនៅភូមិ Kolathur រដ្ឋTamil Nadu ភាគខាងត្បូងប្រទេសឥណ្ឌា ទទួលបានការគោរពបូជាពីពលរដ្ឋចាត់ទុកដូចជាព្រះស័ក្តសិទ្ធដោយសារតែមានរូបរាងចម្លែករបស់វា ។
ខុសប្លែកពីកូនគោដទៃដែលមានភ្នែកតែពីរប៉ុណ្ណោះ។ ចំណែកកូនគោនេះមានភ្នែកទី៣ដុះចំកណ្តាល់ថ្ងាស់ ដូច«ទេវរៈអើឡាង»ក្នុងរឿងគន់ចិន ពលរដ្ឋខ្លះមើលទៅគួរឲ្យភ័យខ្លាច មិនហានទៅជិតនោះឡើយ។ លោក Rajesh ម្ចាស់សត្វគោភ្នែក៣ខាងលើបានឲ្យដឹងថា នេះជាសត្វដែលមានភាពស័កសិទ្ធ ជាព្រះជាម្ចាស់មកចាប់ជាតិ នឹងនាំមកនៅសំណាងជូនពលរដ្ឋនៅក្នុងភូមិទាំងមូល ដូច្នេះពលរដ្ឋនៅភូមិនេះគោរពយ៉ាងខ្លាំង។ លោកបន្តទៀតថានៅពេលពលរដ្ឋបានដឹងពីរឿងនេះក៏នាំគ្នាមកយ៉ាងច្រើនកុះករ ទាំងពលរដ្ឋមកពីស្រុកភូមិផ្សេងៗទៀត ដើម្បីបានមើលឃើញផ្ទាល់នឹងភ្នែក។ ពលរដ្ឋខ្លះបានយកសការៈ បូជាមកថ្វាយទៀតផង។
កូនគោមានភ្នែក៣ដូចជាព្រះសេវៈ(Shiva)ក្នុងសាសនាហិណ្ឌូ ទាំងនោះហើយធ្វើឲ្យពលរដ្ឋដែលកាន់សាសនាហិណ្ឌូគោរពបូជាយ៉ាងខ្លាំង។ ព្រះសេវៈមានឥទ្ធិពលយ៉ាងធំធេងនៅក្នុងសាសនាហិណ្ឌូ ហើយកំណត់សម្គាល់នៃព្រះសេវៈគឺមានភ្នែកទី៣នៅចំកណ្តាល់ថ្ងាស់។ ចំណែកចិនវិញចាត់ទុកជាសេនាព្រះឥន្ទ្រជួយកម្ចាស់បីសាចជូនមនុស្សលោក ទទួលបានការគោរពបូជាដូចគ្នា៕ដោយផន សុខជាតិ
