កំពង់ធំ=បុណ្យភ្ជំបិណ្ឌចាត់ទុកជាបុណ្យដែលដ៏ធំជាងគេបង្អស់បន្ទាប់ពីរបុណ្យកឋិនទាន ព្រោះមនុស្សគ្រប់ស្រទាប់វណ្ណះមិនថា ចាស់ឬក្មេង ប្រុសឬស្រី បានប្រារព្វនូវពិធីបុណ្យនេះ តាំងតែពីរជីដូនជីតា តៗគ្នារហូតមកដល់កូនចៅជំនាន់ក្រោយ នាសម័យបច្ចុប្បន្ន និងតទៅអនាគតន៍។ បុណ្យភ្ជំបិណ្ឌត្រូវបានប្រារព្វធ្វើឡើងរយះពេល១៥ថ្ងៃគឺចាប់ពីរថ្ងៃ១រោជខែផុត្របុត្រ រហូតដល់ថ្ងៃ១៥រោជខែផុត្របុត្រ ឯថ្ងៃ១៥រោជគឺជាថ្ងៃបុណ្យភ្ជំបិណ្ឌចាត់ទុកថាជាថ្ងៃបញ្ចប់ក្នុងពិធីបុណ្យ ដែលមនុស្សប្រុសស្រីមកពីរគ្រប់ទិសទីមកកាន់តាមវត្តអារាមដែលនៅក្បែរផ្ទះឬជាជំរើសមួយដែលដូនតារបស់ពួកគេកាលពីរមានជីវិតរស់នៅតែងទៅវត្ត
ណាចំណែកកូនចៅក៏ទៅវត្តនេះដែរ ដើម្បីធ្វើពិធីបាំងស្គល និងប្រគេនចំហានដល់ព្រះសង្ឃនិងបានវេឧទិសដល់ដូនតារបស់ពួកគេដែលបាលចែកឋានទៅ ទទួលយកកុសលផលបុណ្យនេះសំរាប់ទៅចាប់ជាកំណើតថ្មីបានប្រសើរ ព្រោះខ្លាចជាប់នៅក្នុងឋាននរក ប្រេត និងសត្វតិរច្ឆានដោយមនុស្សធម្មតាពុំអាចមើលដឹង។ ទទឹមនិងនោះដែរយើងក៏បានឃើញការ
កាន់បិណ្ឌមានរយះពេល១៥ថ្ងៃគឺគេបានរៀបចំការបែងចែកវេណគ្នារហូតដល់១៥វេណក្នុង១វេណ រយះពេល១ថ្ងៃកន្លះ ក្នុង១វេណៗសង្កេតឃើញថាមានពុទ្ធសរិស័ទជិតឆ្ងាយមូលមតិគ្នាចូលរួមជាក្រុម ជាសាច់ញាតិ និងជាបក្សពួក ដើម្បីបំពេញអានិសង្ឃបុណ្យដោយមានរៀបចំផ្សេងៗ ដូចជាពិធីពេលរសៀល នមសិការ សុំសិល្ប៍ សូត្រមន្ដ ចំរើនព្រះបារឹទ្ធ សម្ដែងធម៍
ទេសនា លុះម៉ោង៤ទាបភ្លឺព្រះសង្ឃសូត្រប៉ារាដោយមានពិធីបោះបាយបិណ្ឌ លុះព្រឹកឡើងប្រគេនយីគូរ រាប់បាត ប្រគេនចំហាន់ដល់ព្រះសង្ឃឆាន់ លុះថ្ងៃត្រង់វេភេតាជាកិច្ចបញ្ចប់បុណ្យ ។ តាមការអង្កេតមើលក្នុងរដូវបុណ្យភ្ជំបិណ្ឌគឺ មុនពេលកាន់បិណ្ឌ១ថ្ងៃឬ២ថ្ងៃនៅតាមគេហដ្ឋានប្រជាពលរដ្នមានការវិចអន្សមជ្រូក អំន្សមចេក នំគម នំបត់ បង្អែម ចង្អាប និងនំចំណី
ផ្សេងៗទៀតសំរាប់យកទៅកាន់តាមវេនបិណ្ឌនីមួយៗ ហើយបានយកម្អូបអាហារ នំចំណី ផ្លែឈើ ព្រមទាំងថវិការជូន ឪពុកម្ដាយ ជីដូនជីតាដែលជាអ្នកមានគុណរបស់យើងផងដែរ នៅក្នុងថ្ងៃ១៥រោជជាថ្ងៃបុណ្យភ្ជំបិណ្ឌ មានមនុស្ស មនាប្រុសស្រីច្រើនសន្ធឹកសន្ធាប់ គ្រប់វត្តទូទាំងប្រទេសបាននាំយកម្ហូមអាហារ នំចំណី ផ្លែឈើ ភាជ្ជះ ផ្សេងៗព្រមទាំងបច្ច័យសំរាប់
ប្រគេនព្រះសង្ឃ គឺគេធ្វើបែបនេះគ្រប់ៗគ្នា ក្នុងគោលបំណង់ចង់អោយព្រះសង្ឃវេនិងឧទិស អោយបានដល់ឪពុកម្ដាយ ជីដូនជីតានិងសាច់សាលោហិតទាំង៧សណ្ដាន ព្រមទាំងអ្នកដែលស្លាប់ទៅគ្មានសាច់ញាតិ បានទទួលយកនូវកុសល់ផលបុណ្យទាំងនេះនិងដើម្បីតំកល់ផលបុណ្យទាំងឡាយក្នុងជាតិនេះនិងជាតិមុខ ម្យ៉ាងក្នុងបំណង់លើកតំកើងវិស័យព្រះពុទ្ធសាសនាដែលនាំអោយមនុស្សដើរទៅរកផ្លូវល្អ៕ប៊ុនរិទ្ធី
