ក្លិបកាំភ្លើងធំ Arsenal ទទួលបាន៣ពិន្ទុជាលើកដំបូងសម្រាប់ការប្រកួត Uefa Champions League នៅក្នុងពូលD បន្ទាប់ពីបានបំបាក់ក្រុមភ្ញៀវ Galatasaray របស់ប្រទេសទួរគីក្នុងលទ្ធផល 4-1
នៅក្នុងការប្រកួតនេះខ្សែប្រយុទ្ធវ័យក្មេង Danny Welbeck (ដេននី វ៉េលប៊ែក) ធ្វើបាន Hat-Trick ដោយរកបាន៣គ្រាប់តែម្នាក់ឯងគឺនៅនាទីទី២២ នាទី៣០និងនាទីទី៥២ ។ ចំណែកគ្រាប់បាល់មួយគ្រាប់ទៀតរបស់ Arsenal គឺរកបានដោយកីឡាករ អាឡិចស៊ីស សាន់ឆេស (Alexis Sanchez) នៅនាទីទី ៤១ ។
ទោះបីជាយ៉ាងណាក៏ដោយ ក្រុមភ្ញៀវ Galatasaray ក៏អាចវាយបកបានមួយគ្រាប់វិញផងដែរដោយការស៊ុតបាល់ប៉េណាល់ទីរបស់កីឡាករ ប៊ូរ៉ាក់ យីម៉ាស (Burak Yilmaz) នៅនាទីទី ៦៣ ។ ចប់ការប្រកួត Arsenal ឈ្នះ Galatasaray ក្នុងលទ្ធផល 4-1 ។
គួរបញ្ជាក់ថា ការប្រកួតមួយគូទៀតនៅក្នុងពូលDដំណាលគ្នានេះ គឺក្រុមម្ចាស់ផ្ទះ Anderlecht ចាញ់ក្រុមភ្ញៀវ Borussia Dortmund ក្នុងលទ្ធផល 3-0 ៕
