កីឡាករ Alex Oxlade-Chamberlain (អាឡិច អុកឡេត ឆាំប៊ឺឡេន) បានបញ្ជាក់ថា Arsenal នឹងអាចយក បាន៣ពិន្ទុពី Chelsea សម្រាប់ការប្រកួត Premier League នៅថ្ងៃអាទិត្យស្អែកនេះ ។
Arsenal បានប្រកួតចាញ់ Chelsea យ៉ាងធ្ងន់ធ្ងរក្នុងលទ្ធផល 6-0នៅទឹកដី Stamford Bridge កាលពី រដូវកាលមុនខណៈដែលពេលនោះខ្សែការពារ កឺរ៉ាន់ ហ្គីប (Kieran Gibbs) ត្រូវបានលោកអជ្ញាកណ្តាលផ្តល់កាតក្រហមបណ្តេញចេញពីការប្រកួត ។
កីឡាករ ឆាំប៊ឺឡែន (Chamberlain) ប្រាប់អ្នកសារព័ត៌មានថា “វាជាថ្ងៃដែលគួរតែបំភ្លេចចោលមិនគួរចងចាំនោះទេ កីឡាករទាំងអស់ត្រូវតែសម្លឹងទៅរកជ័យជម្នះនៅថ្ងៃថ្មី នៅពេលនេះ Arsenal ខ្លាំងជាងមុន ពួកយើងពិតជាអាចដណ្តើមបាន៣ពិន្ទុជាក់ជាមិនខាន”
គួរបញ្ជាក់ថា សម្រាប់ជំនួបគ្នា៦ប្រកួតចុងក្រោយគឺ Arsenal មិនដែលឈ្នះ Chelsea ឡើយ ៕
