ក្លិប Schalke 04 (ស្កាល់ សូន្យ បួន) បានប្រកាសថា អតីតអ្នកចាត់ការក្លិបតោខៀវ Chelsea លោក Roberto Di Matteo (រ៉ូប៊ឺតូ ឌីម៉ាតេអូ) ត្រូវបានតែងតាំងឲ្យក្លាយជាគ្រូបង្វឹកថ្មីរបស់ក្លិប
បុរសវ័យ៤៤ឆ្នាំរូបនេះក៏ធ្លាប់មានទំនាក់ទំនងក្នុងការដឹកនាំក្លិបនៅអង់គ្លេសផងដែរក្រោយពេលលោកត្រូវបាន Chelsea បញ្ចប់ការងារកាលពីខែវិច្ឆិកាឆ្នាំ ២០១២ ។
ទោះបីជាយ៉ាងណាក៏ដោយ មកដល់ពេលនេះក្លិបបាល់ទាត់របស់អាល្លឺម៉ង់គឺ Schalke 04 (ស្កាល់) បានប្រកាសថា លោក Di Matteo នឹងត្រូវទទួលភារកិច្ចជំនួសលោក Jens Keller (ជេន ខេលលើ) ដែលដឹកនាំក្រុមមិនបានល្អ ។
គួររម្លឹកឡើងវិញថា លោក Di Matteo ធ្លាប់ដឹកនាំ Chelsea ឲ្យឈ្នះពាន Uefa Champions League ក្នុងឆ្នាំ ២០១២ ៕
