អ្នកចាំទី Tim Krul នឹងត្រូវអវត្តមានសម្រាប់ក្រុមជម្រើសជាតិហូឡង់ក្នុងការប្រកួតជម្រុះយូរ៉ូឆ្នាំ ២០១៦ ជាមួយប្រទេសអ៊ីស្លង់ នៅយប់ថ្ងៃច័ន្ទនេះដោយសារតែបញ្ហារបួសកែងដៃ ។
អ្នកចាំទីរបស់ក្លិបសារិការព្រៃ Newcastle United រូបនេះត្រូវបានដកឈ្មោះចេញពីក្រុមជម្រើសជាតិ ដោយសារតែរូបគេបានរងរបួសក្នុងអំឡុងពេលធ្វើការហ្វឹកហាត់ ។
អ្នកចាំទីវ័យ២៦ឆ្នាំរូបនេះនឹងត្រូវជំនួសតំណែងដោយអ្នកចាំទី Kenneth Vermeer (ខេនណេត វើមៀ) របស់ក្លិប Feyenoord (ហ្វីយ៉េណូដ) ដែលរូបគេធ្លាប់ចូលចាំទីឲ្យហូឡង់បានចំនួន៤ប្រកួតមកហើយ ។
គួរបញ្ជាក់ថា បច្ចុប្បន្នហូឡង់កំពុងឈរនៅលំដាប់ទី៣នៅក្នុងពូលAបន្ទាប់ពីធ្វើការប្រកួតជម្រុះបាន២លើក ៕
