គ្រូបង្វឹកក្លិបមាន់ខ្នាយមាស Tottenham Hotspur លោក ម៉ារូស៊ីអូ ប៉ូឆេទីណូ (Mauricio Pochettino) បានលើកឡើងថា លោកមិនខ្លាចក្រុមជើងឯកចាស់ Manchester City ឡើយ ។Spurs ធ្លាប់ត្រូវបាន Manchester City បំបាក់យ៉ាងដំណុំកាលពីរដូវកាលមុនក្នុងលទ្ធផល 6-0 ប៉ុន្តែ
មកដល់ ពេលនេះលោក ប៉ូឆេទីណូ(Pochettino) មានជំនឿជាក់ថា លទ្ធផលនេះមិនប៉ះពាល់ដល់ក្រុមរបស់លោកនៅរដូវកាលថ្មីនេះឡើយ ។
បុរសសញ្ជាតិអាហ្សង់ទីនរូបនេះបានថ្លែងប្រាប់អ្នកសារព័ត៌មានថា យើងប្រកួតនៅថ្ងៃសៅរ៍នេះដើម្បីយកពិន្ទុ យើងត្រូវតែបំភ្លេចចោលនូវអ្វីដែលបានកន្លងហួសហើយយើងនឹងសងសឹកវិញឲ្យបាន ។
គួរបញ្ជាក់ថា កីឡាករពីររូបរបស់ Spurs គឺ ហ៊ូហ្គោ ឡូរីស (Hugo Lloris) និង ណាហ្សឺ ឆាតលី (Nacer Chadli) កំពុងស្ថិតក្នុងភាពស្រពិចស្រពិលថា តើអាចនឹងចូលលេងបានឬក៏អត់សម្រាប់ការប្រកួតនេះ ៕
