គ្រូបង្វឹកក្លិបចចកព្រៃ Roma លោក Rudi Garcia បានលើកឡើងថា ក្រុមរបស់លោកគឺ មិនខ្លាច Bayern Munich ឡើយសម្រាប់ជំនួប Champions League នៅយប់ថ្ងៃអង្គារនេះ ។Bayern Munich បច្ចុប្បន្នកំពុងឈរនៅកំពូលតារាងក្នុងពូលBហើយក្លិបនេះត្រូវបានគេរំពឹងថានឹងអាច
ឈ្នះជើងឯកនៅក្នុងឆ្នាំនេះ ។
លោក Garcia ថ្លែងប្រាប់អ្នកសារព័ត៌មានថា យើងដឹងថា Bayern Munich ជាក្លិបកំពូលមួយ នៅលើពិភពលោកប៉ុន្តែយើងមិនខ្លាចពួកគេនោះទេព្រោះក្រុមរបស់យើងកំពុងលេងបានល្អហើយ កីឡាករទាំងអស់មានទំនុកចិត្ត យើងនឹងយក៣ពិន្ទុឲ្យបាន ។
គួរបញ្ជាក់ថា Roma នឹងខំប្រឹងប្រែងឲ្យអស់ពីលទ្ធភាពដើម្បីយកឈ្នះលើ Bayern Munich ហើយឡើងឈរលេខ១នៅក្នុងពូល ៕
