គ្រូបង្វឹកក្លិបអធិរាជស Real Madrid លោក Carlo Ancelotti បានបញ្ជាក់ថា បញ្ហារបួសត្រគាកបានធ្វើឲ្យកីឡាករ Gareth Bale នឹងអវត្តមានសម្រាប់ជំនួប El Clasico ជាមួយក្លិបអ្នកមានបុណ្យ Barcelona នៅចុងសប្តាហ៍នេះ ។ជាមួយគ្នានោះ កីឡាករវ័យ២៥ឆ្នាំរូបនេះក៏នឹងត្រូវ
អវត្តមានផងដែរសម្រាប់ជំនួប Champions League ជាមួយហង្សក្រហម Liverpool នៅរាត្រី
នេះ ។យោងតាមសារព័ត៌មាននៅក្នុងប្រទេសអេស្ប៉ាញបានចុះផ្សាយថា កីឡាករដែលមានតម្លៃខ្លួនថ្លៃជាងគេនៅលើពិភពលោករូបនេះនឹងត្រូវស្ថិតក្នុងបញ្ជីកីឡាករបម្រុងសម្រាប់ជំនួបនៅទឹកដី Santiago Bernabeu នៅថ្ងៃសៅរ៍ ។
គួររម្លឹកឡើងវិញថា Bale បានស៊ុតបញ្ចូលទីយ៉ាងល្អនៅនាទីទី៨៥ដោយជួយឲ្យ Real Madrid យកឈ្នះ Barcelona នៅវគ្គផ្តាច់ព្រ័ត្រពានរង្វាន់ Copa del Rey កាលពីរដូវកាលមុន ៕
