នៅក្នុងពូល Bក្រុមការពារតំណែងជើងឯកចាស់ Real Madrid គឺធ្វើបានយ៉ាងល្អសម្រាប់ការប្រកួតនៅក្រៅផ្ទះ បន្ទាប់ពីបាន យកឈ្នះលើម្ចាស់ផ្ទះ Liverpool ក្នុងលទ្ធផល 3-0 សម្រាប់ការប្រកួត Champions League នៅក្នុងពូល B ។ក្រុមភ្ញៀវ Real Madrid បានបើកការវាយសម្រុក
យ៉ាងខ្លាំងនៅក្នុងតង់ទី១ដោយអាចរកគ្រាប់បាល់បាន ចំនួន៣គ្រាប់ពីសំណាក់កីឡាករ Cristiano Ronaldo នៅនាទីទី២៣ ចំណែកខ្សែប្រយុទ្ធ Karim Benzema រកបាន ពីរគ្រាប់ម្នាក់ឯងនៅនាទីទី៣០និងនាទី៤១ ។
ចប់តង់ទី១ Real Madrid នាំមុខ Liverpool បណ្តោះអាសន្ន 3-0 ។ដោយឡែក លុះការប្រកួតចូលដល់តង់ទី២ ក្រុមទាំងពីរមិនមានរកគ្រាប់បាល់បន្ថែមបានឡើយដោយរក្សា លទ្ធផលនេះរហូតដល់បញ្ចប់ការប្រកួត ។
ជាមួយគ្នានោះ ការប្រកួតមួយគូទៀតនៅក្នុងពូលBដំណាលគ្នានេះគឺ Ludogorets Razgrad បានយកឈ្នះ Basel ក្នុងលទ្ធផល 1-0 ដែលមួយគ្រាប់ Ludogorets គឺរកបានដោយកីឡាករ Yordan Minev នៅនាទីទី៩០ ។គួរបញ្ជាក់ថា នៅក្នុងពូលBនេះ Real Madrid កំពុងឈរលេខ១ដោយមាន៩ពិន្ទុចំណែកក្រុមលេខ២ Ludogorets លេខ៣ Liverpool និងក្រុមលេខ៤ Basel គឺមាន៣ពិន្ទុដូចគ្នា៕
