ពេទ្យសត្វចំនួន ៣៦នាក់ មកពីក្រុង និងស្រុកទាំង ៥ក្នុងខេត្តមណ្ឌលគិរី ទទួលបានវគ្គបណ្តុះ បណ្តាលស្តីពីការបំពាក់បំប៉នភ្នាក់ងារសុខភាពសត្វភូមិ នៅមន្ទីរកសិកម្មនាព្រឹកថ្ងៃទី២១ តុលា នេះ។ វគ្គបំពាក់បំប៉ននេះក៏មានការអញ្ជើញ ចូលរួមប្រកាសបិទវគ្គដោយ ឯកឧត្តម អេង ប៊ុនហ៊ាង អភិបាលនៃគណៈអភិបាលខេត្តផងដែរ។
ប្រធានមន្ទីរកសិកម្មខេត្ត លោក សុង ឃាង បានអោយដឹងថាវគ្គបំពាក់បំប៉ននេះផ្តោតលើចំណុចសំខាន់ៗចំនួនបី .ទី១ របៀបប្រើប្រាស់វ៉ាក់សាំង ដែលក្នុងចំណុចនេះលោកបានបញ្ជាក់ពីការប្រើប្រាស់ប្រភេទថ្នាំ ផ្សេងៗមានដូចជា វីតាមីន និងកាល់ស្យូម ជាដើម .ទី២ ផ្តោតលើ
ប្រភេទវ៉ាក់សាំង លោកបានណែនាំពី ប្រភេទថ្នាំព្យាបាល ប្រភេទបាក់តេរី ប្រភេទថ្នាំអនុញ្ញាតឲ្យប្រើ និងមិនអនុញ្ញាតឲ្យប្រើផងដែរនិងចំណុចសំខាន់ ទី ០៣ គឺផ្តោតលើពេលវេលានៃការចាក់វ៉ាក់សាំង។
វគ្គបណ្តុះបណ្តាលដែលបានបិទបញ្ចប់នៅម៉ោង១២និង៣០នាទីថ្ងៃត្រង់នេះសិក្ខាកាមដែលចូលរួមបានលើកឡើងនូវបញ្ហាប្រឈមមួយចំនួនផងដែរ ក្នុងនោះមានដូចជា បញ្ហា
ប្រជាពលរដ្ឋមិនយល់ពីការចាក់វ៉ាក់សាំង .ពិបាករកថ្នាំព្យាបាលនៅតាមបណ្តាភូមិស្រុក .និងបញ្ហាពិបាកក្នុងការទារប្រាក់ថ្លៃវ៉ាក់សាំងផងដែរ។
មានមតិបិទវគ្គបណ្តុះបណ្តាលនាពេលនោះ ឯកឧត្តម អេង ប៊ុនហ៊ាង អភិបាលខេត្តមណ្ឌលគិរីបានមានប្រសាសន៍ផ្តាំផ្ញើរថា បន្ទាប់ពីទទួលបានវគ្គបណ្តុះបណ្តាលដ៏ខ្លីនេះ សូមឲ្យពេទ្យសត្វ
ទាំងអស់ យកចិត្តទុកដាក់បំពេញភារៈកិច្ចអោយបានខ្ចប់ខ្ជួន ត្រូវចេះណែនាំដល់ប្រជាពលរដ្ឋឲ្យយកគោក្របី ដែលមានជម្ងឺមកចាក់វ៉ាក់សាំងនៅតាមឃុំ/ស្រុកនីមួយៗ អោយបានគ្រប់គ្រប់គ្នា ដើម្បីជៀសវាងនូវជម្ងឺរាតត្បាតដល់សត្វចិញ្ចឹមផ្សេងៗក្នុងស្រុក/ភូមិ៕
