ក្លិបកាំភ្លើងធំ Arsenal នឹងធ្វើការបញ្ចុះបញ្ចូលដល់គ្រូបង្វឹកក្លិបអធិរាជស Real Madrid គឺលោក Carlo Ancelotti បើសិនណាជាលោក Arsene Wenger ចាកចេញពីក្លិបទៅដឹកនាំ Monaco នៅរដូវកាលក្រោយ ។ក្លិបអ្នកមានបារាំងមួយនេះត្រូវបានគេជឿជាក់ថា កំពុងតែត្រៀមចំណាយ
ទឹកប្រាក់២៨លានផោនជាមួយនឹង កិច្ចសន្យារយៈពេល៣ឆ្នាំដើម្បីនាំយកលោក Wenger ត្រឡប់ទៅវិញនៅរដូវក្តៅក្រោយ ។
យោងតាមសារព័ត៌មាន Daily Express បានចុះផ្សាយថា ក្លិបកាំភ្លើងធំកំពុងតែមានការព្រួយបារម្ភថា លោក Wenger អាចនឹងវិលទៅដឹកនាំក្លិប Monaco វិញជាលើកទី២ ហើយក្លិប Arsenal កំពុងតែបញ្ចុះបញ្ចូលដល់លោក Ancelotti ដើម្បីឲ្យមកជំនួសតំណែងនេះ ។
គួរបញ្ជាក់ថា លោក Ancelotti អាចនឹងប្រឈមនឹងការបាត់បង់ការងារជាមួយ Real Madrid បើសិនណាជា លោកដឹកនាំក្លិបនេះមិនបានពានអ្វីមួយសោះនៅរដូវកាលនេះ ៕
