ក្លិបអធិរាជសReal Madrid បានបង្ហាញពីចំណាប់អារម្មណ៍ចង់ទិញយកខ្សែប្រយុទ្ធJavier Hernandez ពីក្លិបបិសាចក្រហមManchester United ជាផ្លូវការបន្ទាប់ពីក្លិបអេស្ប៉ាញមួយនេះបានខ្ចីជើងរូបគេ ប៉ុន្តែក្លិបនេះចង់ឲ្យ Manchester United ទម្លាក់តម្លៃខ្លួនរបស់ Hernandez ។
កីឡាករសញ្ជាតិមិចស៊ីកូរូបនេះបង្ហាញពីទម្រង់លេងយ៉ាងល្អចាប់តាំងពីផ្លាស់មកកាន់ទឹកដីBernabeu ជាលក្ខណៈខ្ចីជើង ហើយរូបគេស៊ុតបញ្ចូលទីបានចំនួន៣គ្រាប់សម្រាប់ការចូលលេង៤ប្រកួតនៅក្នុងលីក ។
យោងតាមសារព័ត៌មានThe Express បានចុះផ្សាយថា គ្រូបង្វឹកReal Madrid លោកCarlo Ancelotti បានសម្រេចចិត្តទិញយកកីឡាករវ័យ២៦ឆ្នាំនេះតែម្តង ប៉ុន្តែលោកមិនព្រមចំពោះតម្លៃ១៧លានផោនដែល ក្លិបបិសាចក្រហមដាក់ថ្លៃនោះទេ។គួរបញ្ជាក់ថា ជាមួយគ្នានោះ ក្លិបយក្សអ៊ីតាលី គឺសេះបង្កង់Juventus ក៏កំពុងចង់បានកីឡាកររូបនេះផងដែរ ៕
