ខ្សែបម្រើក្លិបសេះបង្កង់ Juventus កីឡាករ Paul Pogba បានបញ្ចប់ការចង់បានរបស់ក្លិបតោខៀវ Chelsea និងបិសាច Manchester United ដោយបានព្រមព្រៀងបន្តកិច្ចសន្យាជាមួយក្លិបរហូតដល់ឆ្នាំ ២០១៩ ។កីឡាករវ័យ២១ឆ្នាំដែលជាអតីតយុវជនរបស់ក្លិប Manchester United រូបនេះបានក្លាយជាគោលដៅដ៏ធំរបស់ ក្លិបជាច្រើននៅក្នុងក្របខណ្ឌ Premier League នាប៉ុន្មានខែកន្លងមកនេះ ។
យោងតាមគេហទំព័រ Daily Star បានផ្សព្វផ្សាយថា តំណាងរបស់កីឡាករ Pogba គឺលោក មីណូ រ៉ាយ៉ូឡា (Mino Raiola) និង វ៉ាលីត ប៊ែន សេហ្វទី (Walid Ben Zefti) ទើបតែនឹងបានជួបជាមួយលោក ហ្គីសេប៉េ ម៉ារ៉ូតា (Giuseppe Marotta) ដែលជាអ្នកគ្រប់គ្រងក្លិប Juventus ដើម្បីពិភាក្សាលើការចុះកិច្ចសន្យាថ្មីរបស់ Pogba ។គួរបញ្ជាក់ថា Pogba ធ្លាប់ចូលលេងបានចំនួន២០ប្រកួតឲ្យក្រុមជម្រើសជាតិបារាំង ៕
