កីឡាករ Alex Song ជឿជាក់ថា ក្លិបញញួរយក្ស West Ham United នឹងក្លាយជាក្លិបកំពូលមួយនៅក្នុង ក្របខណ្ឌអង់គ្លេស Premier League នៅថ្ងៃខាងមុខ។ក្លិបញញួរយក្សលេងបានយ៉ាងល្អចាប់តាំងពីរបើករដូវកាលថ្មីមកហើយពួកគេបានឡើងមកកាន់លំដាប់ក្រុមកំពូលទាំង៤ក្រោយពេលប្រកួតឈ្នះ2-1លើក្រុមការពារតំណែងជើងឯកចាស់ Manchester City នៅទឹកដី Upton Park កាលពីយប់ថ្ងៃសៅរ៍ ។
Song ប្រាប់គេហទំព័រ The Mirror ថា “អនាគតក្លិបនេះនឹងល្អ ហើយនេះជាមូលហេតុដែលខ្ញុំមកកាន់ទីនេះ ដូចជានៅអេស្ប៉ាញអ៊ីចឹង គ្មានអ្នកណាម្នាក់នឹកស្មានដល់ថា Atletico Madrid លេងខ្លាំងដូចសព្វថ្ងៃទេ ហើយ West Ham ក៏ដូចគ្នាដែរ” ។
គួរបញ្ជាក់ថា West Ham នឹងត្រូវជួបជាមួយក្លិប Stoke City សម្រាប់ការប្រកួតក្របខណ្ឌ Premier League នៅថ្ងៃសៅរ៍ក្រោយ ៕
