គ្រូបង្វឹក Mauricio Pochettino បានបញ្ជាក់ថា ក្លិបមាន់ខ្នាយមាស Tottenham Hotspur នឹងមានឱកាស ឈ្នះជើងឯកពានរង្វាន់ Capital One Cup នៅរដូវកាលនេះបាន ។Spurs បានយកឈ្នះ Brighton (ប្រាយតុន) 2-0 នៅទឹកដី White Hart Lane កាលពីយប់មិញ ហើយនឹងត្រូវ
បន្តទៅប៉ះជាមួយសារិការព្រៃ Newcastle United នៅវគ្គ៨ក្រុមចុងក្រោយបន្ទាប់ពី Newcastle បានទម្លាក់ក្រុមខ្លាំង Manchester City ។
លោក Pochettino ថ្លែងប្រាប់អ្នកសារព័ត៌មានថា “យើងពិតជារីករាយដែលបានឡើងទៅកាន់វគ្គ៨ក្រុម ចុងក្រោយ យើងលេងបានយ៉ាងល្អហើយបានបង្កើតឱកាសជាច្រើនហើយយើងនឹងអាចឈ្នះពានបាន” ។គួរបញ្ជាក់ថា Spurs មិនដែលឈ្នះពាននេះទេចាប់តាំងពីឆ្នាំ ២០០៨ មក ៕
