សម្រាប់ការប្រកួតជាមួយ Burnley (ប៊ឺនលី) នៅចុងសប្តាហ៍វិបត្តិខ្សែការពាររបស់ក្លិបកាំភ្លើងធំ Arsenal បានកើតឡើងជាថ្មីបន្ទាប់ពីកីឡាករ Kieran Gibbs ត្រូវបានគេ អះអាងថា នឹងត្រូវអវត្តមានសម្រាប់ការប្រកួត Premier League ជាមួយក្លិប Burnley (ប៊ឺនលី) នៅចុងសប្តាហ៍នេះ
។គេហទំព័រ The Mirror បានផ្សព្វផ្សាយថា ខ្សែការពារឆ្វេងសញ្ជាតិអង់គ្លេសរូបនេះបានរងរបួសត្រគាកនៅក្នុងការប្រកួតដែល Arsenal បានយកឈ្នះលើក្លិបឆ្មាខ្មៅ Sunderland 2-0 កាលពីសប្តាហ៍មុន ។
Gibbs នឹងត្រូវអវត្តមានជាមួយខ្សែការពារ២នាក់ផ្សេងទៀតគឺ Laurent Koscielny និង Mathieu Debuchy ខណៈដែលខ្សែបម្រើ Jack Wilshere មិនទាន់ត្រូវបានគេបញ្ជាក់ថា នឹងអាចចូលលេងបានឬក៏អត់នោះទេ សម្រាប់
ការប្រកួតនេះ ។គួរបញ្ជាក់ថា គ្រូបង្វឹក Arsene Wenger អាចនឹងដាក់កីឡាករយុវជន Hector Bellerin ដើម្បីបំពេញចន្លោះ ខ្សែការពារ ៕
