ក្លិបមាន់ខ្នាយមាស Tottenham Hotspur កំពុងតែធ្វើការបញ្ចុះបញ្ចូលដើម្បីនាំយកកីឡាករ Xherdan Shaqiri (ស៊ើដាន សាគីរី) ពីក្លិប Bayern Munich នៅខែមករាខាងមុខនេះ ។
កីឡាករសញ្ជាតិស្វីសវ័យ២៣ឆ្នាំរូបនេះមិនសូវជាបានជាប់ជាជម្រើស១១នាក់ដំបូងឡើយសម្រាប់ការប្រកួតនៅទឹកដី Allianz Arena ចាប់តាំងពីផ្លាស់ចេញពីក្លិប Basel កាលពី២ឆ្នាំមុនដោយរូបគេចូលលេងបានតែ ២៦ប្រកួតប៉ុណ្ណោះក្នុងក្របខ័ណ្ឌ Bundesliga ។
ជាមួយគ្នានោះ ក្លិបយក្សអ៊ីតាលីគឺសេះបង្កង់ Juventus ក៏ត្រូវបានគេអះអាងថា កំពុងមានចំណាប់អារម្មណ៍ ចង់បានកីឡាកររូបនេះដូចគ្នាហើយពួកគេនិងត្រូវប្រជែងជាមួយ Spur នៅពេលទីផ្សារដោះដូរកីឡាករបើកទ្វានាខែ មករា ។
គួរបញ្ជាក់ថា Shaqiri និងត្រូវផុតកិច្ចសន្យាជាមួយក្លិប Bayern Munich ក្នុងឆ្នាំ២០១៦ ៕http://www.youtube.com/watch?v=Km4G-mAQ0Ls
